Software alternatives on Mac OS X

ကွန်ပျူတာရယ်လို့ စသိကတည်းက ဝင်းဒိုးသုံးလာရာကနေ ရုတ်တရက် Mac ပြောင်းသုံးလိုက်တော့ အစပိုင်း ဆော့ဖ်ဝဲလိုက်ရှာရတာ တော်တော် ပင်ပန်းသွားသေးတယ်။ အဲဒီတော့ သူများမေးရင် ဖြေရလွယ်အောင်နဲ့ ကိုယ့်ကိုယ် ပြန်ရှာမနေရဘဲ မှတ်မိလွယ်အောင် သေချာ list လုပ်ထားပြီး နောက် အသစ်တွေတွေ့မှ ထပ်တိုးသွားလိုက်မယ်။ အခု သုံးတာ တစ်လကျော်ကျော်ဘဲရှိသေးတော့ သိပ်အများကြီး မရှိသေးဘူး။ ခုလောလောဆယ်တော့ ဘာ software မှ ဝယ်မသုံးဖြစ်သေးဘူး။ Free ရတာတွေဘဲ အရင် လိုက်ရှာသုံးနေရတယ်။ နောက်တော့ ဈေးလည်းသိပ်မကြီးတဲ့ iWork ဝယ်မယ်လို့ စဉ်းစားထားတယ်။

My favorites softwares on windows and their Mac Alternatives

	Windows	Mac OS X
Word Processor, Spreadsheet, Powerpoint	Microsoft Office	Libre Office(Free)
to unzip zip, rar, tar, bzip, etc	7-zip	Unarchiver
FTP Client	Filezilla	Filezilla
MySql Client	SQLYog	Sequel Pro
Text-Editor	Crimson Editor, Notepad++	Text Wrangler (app store) MacVim (app store) Komodo Edit Sublime Text 2
HTML, PHP, Javascript Editor	Eclipse for PHP	Komodo Edit
Download Manager Lite	Flashget	iGetter
Screenshot taker	Easy Capture	Skitch
SVN	Tortoise SVN	Smart SVN *
IM	gtalk	Adium
Video Player	GOM Media Player	MPlayerX
Batch Photo Resizer	Faststone Photo Resizer	ResizeIt (app store)
Media Converter	Format Factory	ANY Video Converter (app store)
Basic Photo Editing	Picasa	Picasa
Design	Paint.NET	GIMP

*Not so satisfied, still searching for alternatives.

တစ်ခြားအသုံးဝင်တာလေးတွေရှိလည်း လမ်းညွှန်သွားပါဦး။ Free software ဖြစ်ဖြစ်..ဈေးသိပ်မကြီးဘဲ ပေးရတာနဲ့တန်တဲ့ Paid app ဖြစ်ဖြစ်။ :)

** Komodo Edit ကို တော်တော်သဘောကျနေတယ်။ မြန်မာစာ support လုပ်တဲ့အပြင် HTML, CSS အတွက် တစ်ခါတည်း preview ပါပါတယ်။ 

ကျမအတွက် မရှိမဖြစ် freeware များ

အလုပ်စဝင်ပြီးနောက်ပိုင်း ရုံးမှာ pirated software တွေ သုံးလို့ မရတော့ freeware တွေ၊ opensource software တွေ ပိုပြီး ရှာသုံးဖြစ်လာတယ်။ size သေးသေးနဲ့ အရမ်းအသုံးဝင်တဲ့ ကျမ အမြဲသုံးဖြစ်နေတဲ့ freeware တစ်ချို့ကို share ပါတယ်။ ရရက်လောက် ပို့စ်မတင်ဖြစ်တော့ ရခုကို တစ်ခါတည်း ပေါင်းရေးလိုက်တယ်။

1. FormatFactory Free media file format Converter. သီချင်း၊ ဓါတ်ပုံ၊ ဗီဒီယို ဖိုင်တွေကို format ပြောင်းချင်ရင်ဘဲ ဖြစ်ဖြစ်၊ ဖိုင် size လျှော့ချင်ရင်ဘဲဖြစ်ဖြစ် အရမ်းအသုံးဝင်တဲ့ software လေးပါ။

ဥပမာ - youtube ကနေ video တစ်ခု ဒေါင်းလုတ်လုပ်တယ်ဆိုပါစို့။ သူက .flv file format နဲ့ ပေးလိမ့်မယ်။ အဲဒါကို ဟန်းဖုန်းထဲထည့်မယ်ဆို .3gp ဖြစ်ဖြစ် ပြောင်းပြီး ထည့်မှရမယ်။ mp4 player ထဲကို ထည့်မယ်ဆိုရင် .mp4 ဖြစ်ဖြစ် အဲဒီ mp4 player က လက်ခံနိုင်တဲ့ တစ်ခြား format တစ်ခုကို ပြောင်းရပြန်ဦးမယ်။ iPhone, iPod, Blackberry, PSP ထဲထည့်ဖို့ဆိုရင် .mp4 format ပေမယ့် mp4 player နဲ့က resolution မတူပြန်ဘူး။ mp4 player အတွက် media converter တစ်ခု၊ ဟန်းဖုန်းအတွက် တစ်ခု၊ PSP အတွက် တစ်ခု၊ iPod အတွက် တစ်ခု သွင်းနေမယ့်အစား ဒီ Formatfactory တစ်ခုတည်းသွင်းထားရုံနဲ့ အားလုံးအတွက် format တစ်ခုကနေ တစ်ခု လွယ်လွယ်နဲ့ပြောင်းပေးနိုင်ပါတယ်။

နောက်ဥပမာတစ်ခုက DVD ထဲက ရုပ်ရှင်ဖိုင်တွေက .VOB တွေ။ အဲဒါကို ဖြတ်ညှပ်ကပ်လုပ်ချင်တဲ့အခါ တစ်ခြား DVD Cutter Joiner တွေလည်း လိုက်မရှာချင်ဘူး။ အလွယ်တကူ သုံးနေကျ Windows Movie Maker ဘဲ သုံးချင်ရင်လည်း ဒီ FormatFactory ဆိုတဲ့ freeware ကိုဘဲ သုံးပြီး Windows Movie Maker က လက်ခံတဲ့ .WMV ဖြစ်ဖြစ် .AVI ဖြစ်ဖြစ် အလွယ်အကူ ပြောင်းလို့ရပါတယ်။

သီချင်းတွေကတော့ MP3/WMA/AMR/OGG/AAC/WAV
graphic အတွက် JPG/BMP/PNG/TIF/ICO/GIF/TGA
စတဲ့ file တွေကို တစ်ခုကနေ တစ်ခု ပြောင်းပေးနိုင်ပါတယ်။

Download FormatFactory Converter (17MB)

2. CutePDF Writer - PDF converter တွေထဲမှာ ဒီ CutePDF writer ဆိုတဲ့ virtual PDF printer က ကျမအတွက် အသုံးအဝင်ဆုံးပါဘဲ။ Word/exel/powerpoint document, graphics စတာတွေကို PDF format ကို အလွယ်တကူ ပြောင်းလို့ရပါတယ်။ install လုပ်ပြီးသွားတဲ့အခါ ကိုယ် convert လုပ်လိုတဲ့ document ကို ဖွင့်ပြီး File->Print လုပ်လိုက်ရင် Printer နေရာမှာ Cute PDF Writer ဆိုတာကို ရွေးလိုက်ရင် PDF file အနေနဲ့ အလိုအလျောက် save ပေးမှာ ဖြစ်ပါတယ်။ AutoCAD drawing တွေလည်း pdf ပြောင်းလို့ရတယ်လို့ ဆိုပါတယ်။

Download CutePdf Writer (1.5MB)

3. Paint.NET – Photoshop အစားသုံးတာပါ။ ကျမက ဒီဇိုင်နာ မဟုတ်တော့ photoshop လိုင်စင် ဆော့ဖ်ဝဲ မရပါဘူး။ အိမ်မှာတော့ ခိုးကူးခွေသုံးလို့ရပေမယ့် ရုံးမှာ မရဘူး။ ဒီတော့ free ရတဲ့ Paint.NET ကို သုံးပါတယ်။ Photoshop လိုဘဲ layer concept နဲ့။ Photoshop လောက်တော့ function မစုံပေမယ့် ကျမလို photo editing basic လောက်ဘဲ သုံးတဲ့သူအတွက်တော့ လုံလောက်ပါတယ်။

Download Paint.NET(1.6MB)

4. Easy Capture - ဒီတော့ Free Screen Capture software ကောင်းကောင်းတစ်ခု လိုချင်နေတဲ့သူတွေ အတွက် Easy Capture က အသုံးဝင်ပါတယ်။ Keyboard က Print Screen ခလုတ်ကြီးက ထက်တော့ အများကြီးသာတယ်။

Download EasyCapture (2.5MB)

5. Fastone Photo Resizer – 3 Megapixel ရှိတဲ့ camera တစ်လုံးက 1MB လောက်ရှိတဲ့ ဓါတ်ပုံ ထုတ်ပေးပြီး 8 Megapixel လောက်ရှိတဲ့ camera ကထွက်တဲ့ ဓါတ်ပုံကတော့ 3MB လောက် ရှိပါတယ်။ ပုံတွေ အများကြီးကို တစ်ပြိုင်တည်း resize လုပ်ချင်ရင် သုံးပါတယ်။ ဒီ software ရဲ့ နောက်တစ်ခု အားသာချက်က ဓါတ်ပုံတွေ အများကြီးကို batch အနေနဲ့ တစ်ပြိုင်တည်း watermark ထည့်လို့ ရပါသေးတယ်။

Download Fastone Photo Resizer (size 1.36MB)

6. 7-zip – 7-zip ရှိရင် WinZip တို့ WinRAR တို့ကို မေ့ထားလို့ရပါပြီ။ .ZIP, .RAR, .7z, .TAR, .BZ စတဲ့ ဖိုင်တွေအကုန်လုံးကို ဖြည်ပေးနိုင်တယ်။ ဖိုင်တွေကို zip နဲ့ ပြန်ပိတ်ချင်ရင်လည်း 7-zip သုံးလို့ရပါတယ်။ ဒီ software review တော့ ဒီပို့စ်မှာ တစ်ခါ ရေးဖူးလို့ အကျယ် မရေးတော့ဘူးနော်။

Download 7-zip (size 800 KB)

7. unlocker - USB drive တွေကို remove လုပ်တဲ့အခါ This device cannot be stopped right now. ဆိုတာ ပေါ်တဲ့အခါ ဖြစ်ဖြစ် file/folder တွေ delete လုပ်တဲ့အခါ "Cannot be deleted" ဆိုပြီး ပြနေတဲ့အခါဖြစ်ဖြစ် unlocker ကို သတိရလိုက်ပါ။ Unlocker အကြောင်း ဒီပို့စ်မှာ တစ်ခါ ရေးဖူးပါတယ်။ screenshot တွေ သုံးပုံသုံးနည်းတွေကိုတော့ အဲဒီပို့စ်မှာဘဲ ဖတ်ကြည့်လိုက်ပါနော်။

Downlaod Unlocker (size - 237 KB)

P.S cutePDF Writer တစ်ခုကလွဲရင် ကျန်တဲ့ download link တွေကို hotlink မလုပ်ထားဘူး။ ရှာရလွယ်ပါတယ်။

Handphone အတွက် အသုံးဝင်တဲ့ Java apps များ

ယနေ့ handphone တွေဟာ ဖုန်းပြောဖို့တင် မဟုတ်ဘဲ စွယ်စုံသုံးလို့ ရပါပြီ။ ကျမလို ကပ်စေးနဲနဲ နည်းတဲ့သူတွေကတော့ Java Apps တွေကို ဝယ်ဖို့ သိပ်စဉ်းစားကြမှာ မဟုတ်ဘူး။ သူများရဲ့ Intellectual Property ကို လေးစားပေမယ့် free ရဖို့ဘဲ လိုက်ရှာနေမိတယ်။ http://myn73.hafees.com/ ဆိုတဲ့ ဘလော့ဂ်ကို အမှတ်မထင်ရောက်သွားပြီး ဖုန်းအတွက် လိုအပ်တဲ့ ဆော့ဖ်ဝဲ တော်တော်များများကို download ဖြစ်တယ်။ သူကတော့ N73 အတွက် အဓိကထားရေးပေမယ့် applications တွေက Symbian (S60 series) ဖုန်းတော်တော်များများကို support လုပ်ပါတယ်။

N73 အတွက် download လုပ်သုံးကြည့်ပြီး သဘောကျမိတဲ့ apps တွေကတော့ ...

1. Webster Dictionary: တော်တော်ပြည့်စုံရှည်လျားတဲ့ အဓိပ္ပါယ်ဖွင့်ဆိုချက်ပါတဲ့ အတွက် အင်္ဂလိပ်စာ လေ့လာနေတဲ့သူတွေအတွက် အသုံးဝင်ပါတယ်။ ဒါပေမယ့် မူရင်းစာလုံးကို အပေါ်နားမှာ မပြထားပေးတော့ တစ်ခါတစ်ခါ ဖတ်ရင်းဖတ်ရင်း ငါဘာစာလုံးရဲ့ အဓိပ္ပါယ်ကို ရှာလိုက်ပါလိမ့်ဆိုတာတော့ ပြန်စဉ်းစားရလိမ့်မယ်။

2. English-Chinese-English Dictionary: လိုရင်းတိုရှင်းနဲ့ အဓိပ္ပါယ်ပြန်ပေးပါတယ်။ စာလုံးအရမ်းစုံတယ်။ တစ်ခါတစ်လေ တရုတ်စာကို ပိုကြိုက်မိတာက မြန်မာလို ၁ဝလုံးလောက်ရေးရမယ့်နေရာမှာ အင်္ဂလိပ်စာလုံးနဲ့ဆို ငါးလုံးလောက် အဓိပ္ပါယ် ဖွင့်နေရပြီး တရုတ်လို စာလုံး နှစ်လုံးလောက်နဲ့ ပြီးသွားလို့ပါ။ ဘယ်က download လုပ်ထားလည်း မမှတ်မိတော့ဘူး။ Apps မှာ About လည်း မပါတော့ ပြန်ရှာမရဘူး ဖြစ်နေတယ်။ mediafire မှာ တင်ပေးဖို့ဆိုတော့လည်း ဘယ်နား save ထားမှန်း သတိမရတော့လို့။ link ရှာတွေ့မှ ပြန်တင်ပေးပါမယ်။

3. Scientific calculator: ဖုန်းထဲမှာ scientific calculator သုံးလို့ရတော့ အရမ်း အသုံးဝင်တာပေါ့။ ဘဝမှာ အမြဲတွက်ချက်နေရတာ မဟုတ်လား။ free download လုပ်လို့ ရပါတယ်။ သုံးရလဲ လွယ်တယ်

4. S60 Spot On: အရင် sony ericsson သုံးတုန်းက ကင်မရာ flash ကို torch light အဖြစ် သုံးလို့ရတော့ တော်တော် အဆင်ပြေပေမယ့် N73 ကို torch light အဖြစ်သုံးချင်ရင် video mode မှာ သွားသွားဖွင့်ရတာ တော်တော်အလုပ်ရှုပ်ပါတယ်။ အခု S60 spot on ဆိုတဲ့ apps ကို သွင်းပြီးသွားတော့ N73 ကိုလည်း လက်နှိပ်ဓါတ်မီး အဖြစ် အလွယ်တကူ သုံးလို့ ရသွားပါပြီ။

5. Screen shot – ဖုန်း screen shot ရိုက်တဲ့ software တော့ တစ်ခါတစ်လေ လိုခဲ့သည်ရှိသော်ဆိုပြီး download လုပ်ပြီး သွင်းထားလိုက်တယ်။ ဒီပို့စ်ရေးတော့ ပုံလေးတွေထည့်ဖို့ အသုံးဝင်သွားတယ်။

6. အစ္စလာမ်ဘာသာဝင်တွေအတွက် Quran, Hadith, Doa, Zikir, Zakat Calculator စတဲ့ apps တွေကိုတော့ www.guidedways.com တွေမှာ တော်တော် အသုံးဝင်တဲ့ apps လေးတွေ ရနိုင်ပါတယ်။ သုံးနေရင်း expired ဖြစ်ဖြစ်သွားတာ တစ်ခုကလွဲရင် ကောင်းပါတယ်။ အလကားရတယ်ဆိုတော့ ဒီလောက်တော့ ရှိမပေါ့နော်။

Games တွေအတွက်ဆိုရင်တော့ Gameloft ကနေ download လုပ်ဖြစ်တာ များတယ်။ handphone ကတော့ ကျမအတွက် swiss knife အတိုင်းပါဘဲ။ (တစ်ချက်တစ်ချက် hang သွားတာကလွဲရင် :-P ဖုန်းခေါ်တာကလွဲရင် အားလုံးလုပ်လို့ရတယ် ဖြစ်သွားတော့မယ်။) နောက် အသုံးဝင်မယ့် freeware, shareware လေးတွေရှိရင်လည်း ဝေမျှပေးကြပါဦး။

Software Review (Double Killer, Auslogics Disk Defrag)

Double killer

ကျမက ကွန်ပျူတာထဲမှာ save ထားတဲ့ file တွေကိုအရမ်း နှမြောတတ်တယ်။ တော်ရုံ delete လုပ်ပစ်လေ့ မရှိဘူး။ folder တစ်ခုကနေ တစ်ခုကိုရွှေ ့တာတို့ rename လုပ်တာတို့ဆိုရင် အများအားဖြင့် cut မလုပ်ဘဲနဲ့ copy ဘဲ လုပ်လေ့ရှိတယ်။ USB ထဲကို ကူးလိုက် desktop ပေါ်ကို ပြန်ရွှေ့လိုက်နဲ့ တစ်ခါတစ်လေ file တစ်ခုတည်းက နေရာအမျိုးမျိုးမှာ နာမည် အမျိုးမျိုးနဲ့ ရောက်နေတတ်တယ်။ အဲဒီတော့ hard disk က မြန်မြန်ပြည့်ရော။ အခုတော့ ဒီ doublekillerဆိုတဲ့ software ကို download လုပ်ပြီး သုံးကြည့်တာ တော်တော် အသုံးဝင်တယ်။ size ကလည်း 800kB လောက်ဘဲ ရှိပြီး install လဲ လုပ်စရာမလိုဘူး။ ကိုယ်စစ်ချင်တဲ့ folder တွေကို select လုပ်ပြီး run လိုက်တာနဲ့ duplicate ဖြစ်နေတဲ့ file တွေကို group လုပ်ပြီး highlight လုပ်ပေးပါတယ်။ ပြီးတော့ ကိုယ် delete လုပ်ချင်တဲ့ file တွေကို တစ်ခါတည်း delete လုပ်လို့ ရပါတယ်။ ဖိုင်တူပြီး နာမည် မတူရင်လည်း text file ဖြစ်ဖြစ် image file ဖြစ်ဖြစ် double killer က ကောင်းကောင်း ရှာပေးနိုင်ပါတယ်။

[screenshot: Double killer]

Disk Defrag tool

Windows XP သုံးတဲ့အခါ windows မှာပါတဲ့ Disk Defrag ကို သုံးဖြစ်ပေမယ့် vista က Disk Defrag က အရမ်းကို ကြာလွန်းတယ်။ တစ်ခါတစ်လေ တစ်နေကုန်နေလည်း မပြီးဘူး။ Progress လည်း မပြတော့ ပိုဆိုးတယ်။ အဲဒီတော့ ဒီ Auslogics Disk Defrag ဆိုတဲ့ tool လေးကို သုံးဖြစ်တယ်။ နဂို windows မှာ ပါတာထက် သုံးရတာ ပိုပြီး အဆင်ပြေလို့ ဆက်သုံးဖြစ်တယ်။

[screenshot: Auslogics Disk Defrag]

Firefox3 tip

software review ရေးရင်းနဲ့ တစ်ခါတည်း ရောရေးလိုက်တော့မယ်။ Firefox 3 ရဲ့ feature အသစ်ဖြစ်တဲ့ auto-bookmark ဟာ တော်တော် အသုံးဝင်သလို တစ်ခါတစ်လေလည်း အရမ်းကို စိတ်ရှုပ်ဖို့ ကောင်းပါတယ်။ တစ်ခါတစ်လေ URL မှားနှိပ်မိရင် နောက်တစ်ခါ visit လုပ်တဲ့အခါ တူတဲ့ စာလုံးတစ်လုံးနှစ်လုံး match ဖြစ်တဲ့ အခါ လာလာပြီး အဲဒီ URL အမှားကိုလည်း suggest လုပ်ပါတယ်။ မျက်စိမနောက်ရအောင် မှားနှိပ်မိတဲ့ url တွေကို ဖျက်ချင်ရင် အဲဒီ url ပေါ်မှာ ထောက်ပြီး keyboard က delete key ကို သာ နှိပ်လိုက်ပါ။ list ထဲကနေ ဖျက်ပြီးသား ဖြစ်သွားပါလိမ့်မယ်။

Credits to:http://star-techcentral.com/intech

Software Review (7-zip)

တစ်ရက် linux သုံးတဲ့ colleague တစ်ယောက်က archive လုပ်ပြီးပို့လိုက်ဆိုတာ *.tar format နဲ့ ပို့လိုက်လို့ သူ့ကို unzip လုပ်ဖို့ လိုက်ရှာရင်းနဲ့ ဒီ 7-zip ဆိုတဲ့ software ကို သုံးဖြစ်သွားတယ်။

web site အများစုကနေ download လုပ်ရင် အများအားဖြင့်တော့ .zip file တွေ များပါတယ်။ အခုနောက်ပိုင်း .rar format တွေလည်း များလာတယ်။ တစ်ခါတစ်လေ အခန့်မသင့်ရင် .tar, .bz, .gzip စသဖြင့် ရလာတတ်တယ်။ extract လုပ်ဖို့ software အဆင်သင့် ရှိမနေရင် တော်တော် စိတ်ညစ်ရပါတယ်။

အခု 7-zip ဆိုတဲ့ software ရှိတော့ winzip တွေ winrar တွေကို မေ့ထားလိုက်လို့ ရပြီ။ 7-zip က GNU လိုင်စင်ဆိုတော့ winzip, winrar တို့လိုမျိုး crack ရှာမရမှာ စိတ်ပူစရာ မလိုတော့ဘူး။ ဒီ software နဲ့ extract လုပ်နိုင်တဲ့ file format တွေကတော့ 7z, ZIP, GZIP, TAR, BZIP2, RAR, CAB, ARJ, Z, CPIO, RPM, DEB, LZH, SPLIT, CHM တို့ ဖြစ်ပါသတဲ့။ ပြီးတော့ 7z, zip, gzip, tar, bzip2 စတဲ့ file format တွေကို archive လုပ်လို့ ရပါတယ်။ အောက်က 7-zip ရဲ့ screenshot ပါ။

Archive file extension တွေကို သိသလောက် ပြောရရင်

• 7z - 7-zip software ရဲ့ archive extension

• ZIP – Winzip, Windows Compressed files

• RAR – Winrar

• GZIP, TAR, BZIP2 – Linux platform မှာ archive လုပ်လေ့တဲ့ format

• RPM - အများအားဖြင့် red hat linux အတွက် software (linux မှာတော့ packageလို့ ခေါ်တယ်) တွေရဲ့ format

• DEB – debian linux အတွက် packages တွေရဲ့ format

• LZH - နာမည်ကြီးတဲ့ compression algorithm တစ်ခု ဖြစ်တဲ့ LZH algorithm ကို သုံးပြီး ရလာတဲ့ archive file

• CHM – HTML file တွေကို archive လုပ်ထားတဲ့ extension. Software တော်တော်များများမှာ help file တွေကို chm file အနေနဲ့ တွေ့ရမှာပါ။ (CHM – html compiled help file)

• CAB – Cabinet file, Microsoft installation archive format

• Z, CPIO, - UNIX Compressed Archive File

• ARJ, SPLIT - ဒီ file extension တွေတော့ တစ်ခါမှ မမြင်ဖူးဘူး =)

Software Review (Amic Email Backup)

အရင် အပါတ်က PC ပြောင်းရမယ်ဆိုတော့ Microsoft Outlook က mail တွေ အရေးကြီးတဲ့ attachment တွေကို ပြောင်းဖို့ နည်းနည်း ခေါင်းစားသွားတယ်။ Outlook ရဲ့ export/ import feature က email တွေကို ကောင်းကောင်း export လုပ်ပေးပေမယ့် attachment တွေကို export မလုပ်ပေးတော့ ခက်နေတာ Amic Email Backup ဆိုတာ သုံးလိုက်မှဘဲ အဆင်ပြေသွားတော့တယ်။ free software ဖြစ်ပြီးတော့ တော်တော်လေး lightweight ဖြစ်လို့ သဘောကျသွားတယ်။ မြန်လဲ တော်တော်မြန်တယ်။ messages, address book, settings, mail and news accounts, message rules, blocked senders lists, the signatures တွေအားလုံးကို backup လုပ်လို့ရတယ်။ အခုတော့ အရေးကြီးတဲ့ email တွေကို backup လုပ်ဖို့ ဆက်သုံးဖြစ်မှာပါ။ interface ကလည်း တော်တော် သုံးလို့ လွယ်တယ်။ one-click ဘဲ။ Amic Tools Website မှာ download လုပ်နိုင်ပါတယ်။

Software Review (Unlocker)

ဒီတစ်ပါတ်လုံး PC အသစ် ပြောင်းနေရလို့ ပို့စ် အသစ် မတင်နိုင်ဘူး ဖြစ်နေတာ။ software တွေ ပြန်သွင်းရတဲ့ ဒုက္ခကလည်း မသေးဘူး။ ပြီးတော့ အရင် လုပ်နေတဲ့ project တွေ တန်းလန်းနဲ့ programming environment ကို ပြန်ပြီး configure လုပ်ရတာ စိတ်ညစ်ဖို့ အကောင်းဆုံး အလုပ်ဘဲ။ ဒါပေမယ့် ကောင်းတာ တစ်ခုကတော့ အရင်က မသုံးဖူးတဲ့ software လေးတွေကို စမ်းသုံးကြည့်ဖူးသွားတယ်။ ခါတိုင်းဆို နေ့စဉ် လုပ်နေတဲ့ အလုပ်ကလွဲရင် တစ်ခြား software တွေကို ယောင်လို့တောင် သုံးကြည့်ဖို့ မစဉ်းစားဘူး။ တကယ်လိုလာမှဘဲ ဟိုလူ့မေး ဒီလူ့မေး google ကို မွှေနဲ့ သုံးဖြစ်သွားတာ။

USB device တွေကို eject လုပ်တော့မယ်ဆိုရင် အောက်က လိုမျိုး message ပေါ်လာရင် စိတ်အနှောင့်အယှက် ဖြစ်ရတာ လူတိုင်းလိုလို ကြုံဖူးမယ် ထင်တယ်။ အရင်တုန်းကဆို application တွေ အားလုံးလိုက်ပိတ်ပြီးလို့မှ ဒီလို ထပ်ပေါ်နေသေးတယ်ဆိုရင် စိတ်မရှည်တော့ဘဲနဲ့ ဒီအတိုင်း ဆွဲဖြုတ်ပစ်လိုက်တာ များတယ်။

အခုမှ ဒီ unlocker ဆိုတဲ့ software လေးကို တွေ့သွားတာ။ တော်တော် လေးကို အသုံးဝင်ပါတယ်။ install လုပ်ပြီးသွားပြီဆိုရင် USB device ပေါ်မှာ right click လုပ်လိုက်တာနဲ့ unlocker ဆိုတာ ကို ရွေးလိုက်ပါ။ ပြီးရင် သူပြထားတဲ့ process တွေကို “Kill Process” ဒါမှ မဟုတ် “unlock all” လုပ်လို့ပြီးသွားရင် USB ကို safely remove လုပ်လို့ ရသွားပါပြီ။

USB အတွက်ဘဲ အသုံးဝင်တာ မဟုတ်သေးဘူး။ တစ်ခါတစ်လေ file တွေ folder တွေ ကို အကြောင်းအမျိုးမျိုးကြောင့် rename လုပ်လို့မရ delete လုပ်လို့မရ ဖြစ်တယ်။ အဲဒီအခါမှာလည်း file/folder ပေါ်မှာ right click လုပ်ပြီး unlock လုပ်လိုက်ရင် အဆင်ပြေသွားပါလိမ့်မယ်။

Unlocker က freeware ဖြစ်တဲ့အတွက် http://ccollomb.free.fr/unlocker/ မှာ free download လုပ်နိုင်ပါတယ်။

Sound Editing Software

သီချင်းတွေကို ဖြတ်ညှပ်ကပ် လုပ်ချင်ရင်ဖြစ်ဖြစ်၊ Record လုပ်ထားတဲ့ sound file တွေကို edit လုပ်ချင်ရင် ဖြစ်ဖြစ် Audacity ဆိုတဲ့ software လေးကို သုံးကြည့်ပါ။ OpenSource ဆိုတော့ free download လုပ်လို့ ရပါတယ်။
(ကျမကတော့ ဒီ software သုံးပြီး ကိုယ်ကြိုက်တဲ့ သီချင်းတွေကို ဖြတ်ပြီး ringtone လုပ်ဖို့ သုံးတာ များပါတယ်။ ပိုက်ပိုက် မကုန်တဲ့ နည်းပေါ့။)

Audacity Windows Website မှာ download လုပ်ပါ။ ထုံးစံအတိုင်း next -> next -> next များကို နှိပ်ပြီး install လုပ်ရပါမယ်။

mp3 များကို ဖြတ်ညှပ်ကပ်လုပ်ရန်
၁။ File -> Open မှတဆင့် mp3 တစ်ပုဒ်ကို ရွေးပါ။
၂။ အောက်ပါအတိုင်း သံစဉ်လှိုင်းများ ပေါ်လာလျှင် မိမိ အလိုရှိသော သံစဉ် အပိုင်းကို select လုပ်ပါ။ (မိမိ အလိုရှိသော အပိုင်းကို အတိအကျသိရန် play လုပ်ပြီး အချိန် အပိုင်း အခြားကို သေချာ မှတ်သားထားပါ။)

၃။ လိုချင်သော အပိုင်းအခြားကို select လုပ်ပြီးလျှင် Edit -> Trim လုပ်ပါ။
၄။ File -> Export as mp3 မှာ အမည်တစ်ခု ပေးပြီး save လုပ်မည်ဟု နှိပ်လိုက်လျှင် အောက်ပါ မေးခွန်းကို မေးလိမ့်မည်။ dll ကို allocate လုပ်ခိုင်းခြင်း ဖြစ်သည်။ (software ကို ပထမဆုံး အကြိမ် သုံးသည့် အချိန်တွင်သာ မေးလိမ့်မည်။ )
၅။ ဒီအတွက် ဒီနေရာ ကို ပြန်သွားပြီး LAME mp3 encoder ဆိုတာကို download လုပ်ပြီး Audacity install လုပ်ထားသော folder ထဲမှာ ထည့်ထားပါ။
အထက်ပါအတိုင်း lame_enc.dll ကို open လုပ်လိုက်ပါ။ သီချင်း ဖြတ်ခြင်း ဤတွင် ပြီးဧ။်။