Testing Myanmar Unicode Support on Mac OS X

အရင်အပါတ်က ရုံးမှာ Mac Book Pro ၂လုံး grant ရတော့ ဘယ်သူသုံးချင်သလဲမေးတာ.. ရုံးက programmer အများစုက ဝင်းဒိုး မစွန့်လွှတ်နိုင်သူတွေများနေတယ်။ ကိုယ်က သိပ်စမ်းသပ်ချင်တဲ့သူဆိုတော့ သုံးမယ်ပြောလိုက်တော့ လက်ထဲကို Mac Book လေး ရောက်လာရောဆိုပါတော့။ Mac OS မှာ 10.7.2 Lion ကနေစပြီး မြန်မာယူနီကုဒ်ကို support လုပ်တယ်ဆိုတာ ဖတ်မိထားတော့ ရတာနဲ့ အင်တာနက်ချိတ်ပြီး ဘယ်လိုနေလဲစမ်းသပ်ကြည့်တယ်။




Font embed မလုပ်ထားတဲ့ ကိုယ့်ဘလော့ဂ်ရယ် မစူးနွယ် ဘလော့ဂ်ရယ်ဖွင့်တယ်။ တစ်ချို့ အောက်ကမြစ်လေးတွေ နေရာနည်းနည်းလွဲနေတာကလွဲရင် ကျန်တာအကုန်အဆင်ပြေတယ်။ ဖောင့်သွင်းစရာမလိုဘဲ ဖတ်လို့ရတာ ဘယ်လောက်ကောင်းသလဲ။ ဇော်ဂျီနဲ့ ရေးထားတဲ့ ဘလော့ဂ်တွေကိုတော့ ပေစာ၊ကျောက်စာ၊ပုရပိုက်စာ ဆန်ဆန်လေး မြင်ရတယ်။ အန်ကယ်ဒီကိုလာ ရဲ့ဘလော့ကတော့ font-embed လုပ်ထားတယ်ထင်တာဘဲ၊ ကောင်းကောင်းဖတ်လို့ရတယ်။ အဲဒါနဲ့ screenshot ရိုက်ပြီး လနဲ့ချီမရေးတဲ့ ဘလော့ဂ်မှာ တင်ချင်စိတ်ပေါက်လာတာနဲ့ တင်လိုက်ပါတယ်။  အဲဒီလိုနဲ့ အချက်၂ချက်ကိုတော့ အတိအကျ ပြောနိုင်သွားတယ်။ :-D

၁။ OS တွေမှာ Myanmar Unicode support လုပ်လာရင် ဖောင့်သွင်းစရာမလိုဘဲနဲ့ မြန်မာယူနီကုဒ်နဲ့ရေးထားတဲ့စာတွေ ကောင်းကောင်းဖတ်လို့ရမယ်။
၂။ ဇော်ဂျီနဲ့ ရေးထားတဲ့ ဝက်ဆိုဒ်တွေ ပျက်စီးသွားမယ်ဆိုတာ လုံးဝမဟုတ်ဘူး။ သူ့အတိုင်း သူနေနေမှာဘဲ။ မသကာ ဖောင့်သွင်းပြီး ဖတ်ရုံပေါ့။
ထူးတေဇာ  သူ့ ပို့စ်တစ်ခုမှာ ရေးဖူးတာကတော့

နောက်တစ်ခုထူးခြားတာက ဖောင့်ထည့်ပေးရုံတင် မဟုတ်ပဲ အခြား လုပ်ဆောင်ချက် တွေပါထည့် ပေးထားပါတယ်။ iCal ဆိုတဲ့ calendar မှာ အကုန် မြန်မာလို ပြပေးတယ် icon မှာကအစ မြန်မာလိုပါ။ နောက် နာရီကိုလဲ မြန်မာလို ပြတယ်။ သူက နေ့လည်နဲ့ ညနေဆိုပြီး AM, PM ကိုတောင် ပြပေးသေးတယ်။ ရက်စွဲတွေလဲ ဗုဒ္ဓဟူး စသဖြင့်ပြတယ် လတွေရောပဲ။ တော်တော်လေးကို ပျော်ဖို့ ကောင်းပါတယ်။ သေချာတာကတော့ Lion OS က သက်သေပြပေးတာပါပဲ Unicode fonts တွေဟာ ကွန်ပျူတာပေါ်မှာ စာလုံးပေါ်ပြီး လူက မျက်စိနဲ့ ဖတ်ရုံသက်သက် မဟုတ်ပဲ compute လုပ်လို့ ရတယ်ဆိုတာ ပြပေးတာပါ။

အဲဒါတွေတော့ မစမ်းကြည့်ရသေးဘူး။ တစ်ချို့ screenshots တွေကို Saturngod ရေးတဲ့ Lion that made me cry မှာကြည့်ပါ။ ကျမတော့ ခုမှ Mac စသုံးတာဆိုတော့ ကွန်ပျူတာ စသင်စ ကလေးလေးလို ဖြစ်နေတယ်။ My Computer ဘယ်နားရှိလည်းကအစ google search နဲ့ ပြန်ရှာနေရတယ်။ အကျွမ်းတဝင်ဖြစ်သွားရင်တော့ windows ထက် အပုံကြီးသာတယ် ပြောကြတာဘဲ။ ခုလောလောဆယ်တော့ တိုင်ပါတ်နေတယ်။ အချိန်တိုအတွင်း adapt လုပ်နိုင်မယ်လို့တော့ မျှော်လင့်တာဘဲ။ 

-----------
ခုနက နည်းနည်းဆက်ကလိထားတာ။ မြန်မာကီးဘုတ်ပါ တစ်ခါတည်း ပါတယ်။ မြန်မာနိုင်ငံအလံသစ်လေးနဲ့ MYANMAR- QWERTY ဆိုပြီး ပြထားပါတယ်။ သူ့ကီးဘုတ်တော့ မရိုက်တတ်ဘူး။ စာလုံးစီထားပုံက နဂို မြင်နေကြမဟုတ်တော့။ (Lion's built-in myanmar unicode keyboard map) ရက်စွဲ၊ အချိန်၊ ငွေကြေး၊ စသဖြင့် အကုန် မြန်မာလို set လုပ်လို့ရတာ တွေ့ရတယ်။ Buddhist Calendar ဆိုပြီးတော့တောင်ပါသေးတယ်။

 

built-in Myanar keyboard (with weird key arrangements :D )

စာြကွင်း - Zawgyi ဖတ်မရဘူးထင်ပြီး ခဏနေ မက်ဘွခ် ဝယ်ဖို့လန့်နေဦးမယ်.. Zawgyi ဖောင့်သွင်းလိုက်တာနဲ့ ဘာsetting မှတောင်​ ​ပြောင်းစရာမလိုလိုက်ဘူး..အော်တိုမက်တစ် အကုန်ဖတ်လို့ရသွားတယ်.. ကောင်းလေစွ.. :)

My blog and myanmar unicode issue

SOLVED! The issue caused by having Unicode 5.1 version of Myanmar3. The display is fine after replacing with new version of Myanmar3. Thanks everyone.

=================================

ဘလော့ဂ်ကို ယူနီကုဒ် ပြောင်းအပြီးမှာ သတိထားမိတာက အသတ်နဲ့ အောက်ကမြစ်တွဲထားတဲ့စာလုံးတွေ တလွဲဖြစ်နေတယ်။ သဉ္ဇာက ဘလော့ပို့စ် အဟောင်းတွေကို Myanmar NLP က Converter နဲ့ ပြောင်းထားတာ။ နောက်ဆုံးပို့စ်တစ်ခုတော့ MS Word မှာ ရိုက်ပြီးတင်တာ။ keyboard အတွက် NHM Writer ကို သုံးတယ်။ ရိုက်တုန်းကတော့ မှန်တယ်။ publish လုပ်ပြီးမှ အသတ်နဲ့ အောက်ကမြစ်တွေက တလွဲ ဖြစ်သွားတာ။ ရေလည်စားတယ်။

ကိုရဲလင်းကျော် ဘလော့ဂ်

စေတန်ဂေါ့ဒ် ဘလော့

ကိုဒီဘီ ဘလော့

သဉ္ဇာ့ဘလော့

ကိုဇက်တီ ဘလော့ဂ်ကြတော့ ဟုတ်လို့။ သူ ဘာ magic တွေ သုံးထားသလဲ လိုက်ရှာရတယ်။ Right Click -> View Page Source ပေါ့။ CSS ကိုလည်း ကိုဇက်တီ ပြောတဲ့အတိုင်း ပြင်တာဘဲ။ ဘာလို့ အဲဒီ အသတ်နဲ့ အောက်ကမြစ်က တလွဲဖြစ်နေသလဲ စဉ်းစားလို့ကို မရဘူး။ Source ထဲက ကုဒ်တွေကို လိုက်ရှာတော့ ဒီလိုတွေ့တယ်။

e.g., ဒါပေမယ့် ဆိုတဲ့ စာလုံးကို HTML Encoding နဲ့

ကိုဇက်တီ ဘလော့ဂ်မှာ
ဒါပေမယ့်


သဉ္ဇာ့ ဘလော့ဂ် မှာကြတော့ ဒီလို
ဒါပေမယ့်

NHM Writer ရဲ့ keymap ကို update လုပ်ရမှာလား။ browser setting ကြောင့်လား။ CSS ကြောင့်လား။ မသိတော့ဘူး

Ref:
Myanmar Unicode Character and HTML Entities

Converting blog to Myanmar Unicode

ခုတလော ဖိုရမ်တွေမှာရော ဖေ့စ်ဘွခ်ပေါ်မှာပါ လူတော်တော်များများ ယူနီကုဒ်သံ တညံညံ ဖြစ်နေတယ်။ ၂၀၀၈ နှစ်ကုန်ပိုင်းလောက်တုန်းက မြန်မာ၃ ပြောင်းဖို့ လုပ်သေးတယ်။ ဒါပေမယ့် ကီးဘုတ်က တော်တော်ပြဿနာ တက်တာနဲ့ မေ့မေ့ပျောက်ပျောက်ဘဲ ဖြစ်သွားတယ်။ အဲတုန်းက ယူနီကုဒ် ၅.၁ ထင်တယ်။ အခုတော့ ယူနီကုဒ် ၅.၂ စံ မှာ မြန်မာစာက stable ဖြစ်သွားပြီဆိုတော့ ကိုယ်လည်း ပြောင်းသုံးသင့်တဲ့ အချိန် ရောက်ပြီလို့ ယူဆတယ်။ ပြဿနာကတော့ နည်းနည်းတက်တယ်။ မြန်မာ ဘလော့ဂ် စရေးတုန်းကလို ခံစားချက်မျိုးပေါ့။

ပထမဆုံး font နဲ့ keyboard သွင်းဖို့လုပ်တယ်။
1. Myanmar 3: Installing Unicode Font
2. Myanmar Unicode Font Package (credits to Ko ZT)
3. Keyboard: NHM keyboard for Unicode

ဒီမှာ ဘာပြဿနာ တက်လဲဆိုတော့ အရင်နှစ်က မြန်မာ၃ သွင်းထားသေးတယ်။ အဲတုန်းက ယူနီကုဒ် ၅.၁။ အခု ယူနီကုဒ် ၅.၂ နဲ့ ထွက်လာတော့ အရင်ဖောင့်ကို delete လုပ်မရ.. replace လုပ်မရနဲ့ ရွာလည်ပါရော။ နည်းမျိုးစုံစမ်းပြီး နောက်ဆုံးမှ ပြေလည်သွားတယ်။ font ကို drag & drop နဲ့ တစ်ခြားနေရာ အရင်ရွှေ့ (Windows ကို C:\ drive ထဲမှာ သွင်းထားတာဆိုရင် C:\ drive ရဲ့ တစ်နေရာရာကို ရွှေ့ရမယ်။ ဖျက်လို့ရမယ့် နည်းလမ်းတော့ ရှာမတွေ့သေးဘူး။) ပြီးမှ ဖောင့်အသစ်ပြန်သွင်းရတယ်။

ဖောင့်သွင်းပြီးပြီ။ NHM Writer သွင်းထားတော့ Alt + 1 နှိပ်ပြီး ယူနီကုဒ်ပြောင်းတယ်။ notepad မှာ စာရိုက်တယ်။ အိုကေ။

နောက် browser တွေက ဇော်ဂျီ ဖောင့် ပြောင်းထားတာဆိုတော့ ယူနီကုဒ်ကို ကောင်းကောင်း မမြင်ရဘူး ဖြစ်ပြန်ရော။ အဲဒီအတွက်တော့ ဦးနှောက်ခြောက်စရာ သိပ်မလိုလိုက်ဘူး။ Javascript plugin တွေ ရေးထားပြီးသား ရှိတယ်။

Firefox အတွက် Plugin (credits to ကိုစိုးမင်း)
Unicode 5.1 to Zawgyi 2009 Converter as Bookmark

Google Chrome အတွက် Extension (credits to saturngod)
Parallel Universe

မြန်မာဘလော့ဂ်တွေ ကောင်းကောင်းဖတ်လို့ရသွားပြီ။ ပြီးတော့ ကိုယ့်ဘလော့ဂ် တစ်ခုလုံးကို ယူနီကုဒ်ပြောင်းဖို့လုပ်ရတယ်။ အဲဒီအတွက် Unicode Converter ကို Myanmar NLP

ကနေ ဒေါင်းလုတ်လုပ် ဘလော့ပို့စ်တွေကို xml ထုတ်၊ convert လုပ်၊ upload ပြန်လုပ်လိုက်တယ်။ ဘလော့သက်တမ်း သုံးနှစ်လောက်မှာ စုစုပေါင်း ၁၅၇ ပုဒ် တိတိကြီးများတောင် ရေးထားတာဆိုတော့ ခဏဘဲကြာတယ်။ ပြီးတော့ ဘလော့တန်းပလိတ်မှာ CSS တွေကို လိုက်ပြောင်းတယ်။ ပြီးသလောက်တော့ ရှိသွားပြီ။ ကိုယ့်ကိုယ် ကြည့်တော့ ဟုတ်သလိုလို။ ဒါပေမယ့် ဘလော့ဂ် တစ်ခုလုံးမှာ အသတ်နဲ့ အောက်ကမြစ် တွဲထားတဲ့စာလုံးတွေ တစ်ခုမှ မအိုကေဘူး ဖြစ်နေတယ်။ တစ်ပုဒ်ချင်းစီ လိုက်ပြင်ရင်လည်း ပြင်တုန်းက အကောင်း publish လုပ်လိုက်ရင် ဒုံရင်း ဒုံရင်း ဖြစ်သွားရော။ ကိုဇက်တီ ကတော့ အားပေးပါတယ်။

တစ်ချို့ ကွန်ဗာတာက ယူနီကုတ် ၅.၁ ထွက်တုန်းက ရေးထားတာပါ။ ၅.၁ ကနေ ၅.၂ ပြောင်းတဲ့ အချိန်မှာ ကျန်တာတွေ အားလုံး တူပေမယ့် အောက်ကမြင့်ကို သိမ်းတဲ့ပုံစံ ပြောင်းသွားတယ်။ သဉ္ဇာ့ ဆီမှာ အခု ရှိတဲ့ဖောင့်က ၅.၂ ဖောင့် ဖြစ်လိမ့်မယ်။ အဲဒါကြောင့် အခုလို မြင်နေရတာ။ ဒါလေးတော့ လောလောဆယ် Manual ပဲ ပြန်ပြင်လိုက်ပါ။

တဲ့။

ခုလောလောဆယ်တော့ ဒီအတိုင်းထားလိုက်ဦးမယ်။ sidebar က widget တွေကလည်း ဇော်ဂျီတစ်ဝက် ယူနီကုဒ် တစ်ဝက် ဖြစ်နေတုန်းဘဲ။ ဖြည်းဖြည်းချင်း ပြင်ယူရမယ်။

ဘာဘဲဖြစ်ဖြစ် တော်တော်တော့ ခရီးရောက်သွားပါပြီ။ သူများပြောင်းလို့ ဒီအတိုင်း ပေါ်ပင် လိုက်လုပ်တာတော့ မဟုတ်ပါဘူး။ မြန်မာလို search လုပ်တဲ့အခါ result တော်တော်များများက မြန်မာ ဘလော့ဂ်တွေကနေ လာတာပါ။ ဇော်ဂျီသုံးတုန်းက စာအရေးအသား အထားအသိုကို သိပ်ဂရုစိုက်စရာ မလိုတော့ ရေးချင်သလို ရေးခဲ့တယ်။ နည်းနည်းလေး မှားလိုက်တာနဲ့ search engine က မသိတော့ဘူး။ ယူနီကုဒ်စံကို လိုက်နာလိုက်ခြင်းအားဖြင့် ကိုယ်ရေးထားတဲ့စာတွေဟာ နောင်တစ်ချိန်မှာ တစ်ယောက်ယောက်အတွက် အုတ်တစ်ချပ်၊ သဲတစ်ပွင့်၊ နှမ်းတစ်စေ့လောက်တော့ ဖြစ်တန်ကောင်းပါရဲ့။

(ယူနီကုဒ်ကို convert လုပ်ပြီး upload လုပ်တဲ့အခါ publish လုပ်မိသွားလို့ feed reader ကို spam လုပ်သလို ဖြစ်သွားရင် Feed ကို subscribe လုပ်ထားတဲ့သူတွေကို တောင်းပန်ပါတယ်။)

မြန်မာဘလော့ဂ်တစ်ခုလုပ်ဖို့အတွက် လိုမယ်ထင်တာလေးတွေ (၁)

မြန်မာ ဘလော့ဂ်တစ်ခု လုပ်ဖို့ လိုအပ်တဲ့ အချက်အလက်လေးတွေကို စုထားချင်တာနဲ့ ဒီပို့စ်ကို ရေးဖြစ်သွားတာပါ။ ကျမ ဘလော့ဂ်စလုပ်တုန်းကလည်း နည်းလမ်းတွေကို ဟိုပါတ်ရှာ ဒီပါတ်ရှာ နဲ့ လုပ်ခဲ့ရတာ.. တော်သေးတာပေါ့။ အရှေ့က စီနီယာ ဘလော့ဂ်ဂါတွေက အားလုံးနည်းပေးလမ်းပြ လုပ်ခဲ့ပေလို့။ အခုတောင် တန်းပလိတ် အသစ်ပြောင်းချင်တာ မပြောင်းရဲဘူးဖြစ်နေတယ်။ ကုဒ်တွေ ဟိုကလိ ဒီကလိထားတာ များသွားတော့ အသစ်ပြောင်းလိုက်ရင် မနည်း ပြန်ရှာ ပြင်ရမယ်။ ဒီတော့ ကိုယ် တန်းပလိတ်ပြောင်းချင်တဲ့ အခါ အခက်မတွေ့အောင်ရယ်၊ မြန်မာ ဘလော့ဂ်လုပ်ချင်တဲ့ ဘလော့ဂ်ဂါ အသစ်လေးတွေ လိုနိုင်မယ်ထင်တာတွေရယ်ကို ရှာပြီး တစ်နေရာထဲမှာ စုထားလိုက်ပါတယ်။

ဒီလို အကျိုးရှိတဲ့ ပို့စ်လေးတွေကို ရေးပေးခဲ့တဲ့ ဘလော့ဂ်ဂါများ အားလုံးွကို ကျေးဇူး တင်ရှိပါကြောင်း… (link ချိတ်ဖို့ တစ်ယောက်ချင်းစီရဲ့ ဘလော့ဂ်မှာ လိုက်ပြီး ခွင့်မတောင်းနိုင်တာကို နားလည်ပေးမယ်လို့ မျှော်လင့်ပါတယ်။)
-------------

၁။ ဘလော့ဂ် account ဖွင့်တာကိုတော့ အထူးတလည် မရေးတော့ပါဘူး။ ရှိပြီးပြီလို့ဘဲ ယူဆလိုက်ပါမယ်။

၂။ မြန်မာဘလော့ဂ်လုပ်ဖို့ အရင်ဆုံးဘာလိုလဲဆိုတော့ မြန်မာစာ ရိုက်တတ်ဖို့လိုတာပေါ့နော်။ အရင်တုန်းက ဝင်းမြန်မာ၊ ဝင်းကလောဆိုတဲ့ font တွေ သုံးခဲ့ပေမယ့် အခု အင်တာနက် စာမျက်နှာတွေပေါ်မှာ အကျယ်တဝင့် နေရာယူလာတာကတော့ UNICODE ဖြစ်တဲ့ ဇော်ဂျီ font ပါ။ ဇော်ဂျီကို သုံးနိုင်ဖို့ virtual keyboard ကိုလည်း သွင်းရပါမယ်။ အဲဒီဖောင့်ကို ဒေါင်းလုတ်လုပ်ပြီး install လုပ်နည်း အပြည့်အစုံ အတွက်
• ဇော်ဂျီနဲ့ မြန်မာစာ ရိုက်ရအောင် (မောင်သန့်ဇင်)

၃။ ပြီးရင် ဘလော့ဂ်တန်းပလိတ် (blog template) မှာဇော်ဂျီ ဖောင့် assign လုပ်ဖို့ CSS coding တစ်ချို့ပြင်ရပါမယ်။ ဒီအတွက့်
• How to assign Myanmar3 font ဇော်ဂျီဖောင့် ကောင်းမွန်စွာ ပေါ်အောင်လုပ်နည်း (ကိုညီလင်းဆက်)
ပြင်ပြီးသွားပြီဆိုရင် ပို့စ်တင်တိုင်း အဆင်ပြေအောင်အောက်က ပို့စ်လေးလည်း ဖတ်ကြည့်ပါ။
• Blogspot မှာ မြန်မာလို ရေးရတာ အဆင်ပြေအောင်... (ကိုမောင်လှ)

၄။ ဘလော့ဂ်တော်တော်များများမှာ ထည့်လေ့ရှိပြီး မြန်မာ ဘလော့ဂ်ဂါတွေ ဆီဗုံးလို့ တင်စားထားတဲ့ cbox ကို ထည့်ချင်တယ် ဆိုရင်တော့
• Cbox အကြောင်း (ကိုရန်အောင်)

၅။ ကိုယ့်ဘလော့ဂ်မှာ ဘယ်သူတွေ comment လာပေးသွားသလဲဆိုတာ ပို့စ်တစ်ခုချင်းစီ လိုက်စစ်နေမယ့်အစား နောက်ဆုံးပေးသွားတဲ့ comment တွေကို မြင်နိုင်အောင် ဘေးနားက sidebar မှာ recent comment widget ထည့်ထားမယ်ဆိုရင် ပိုအဆင်ပြေပါတယ်။ ဒီအတွက်
• Customizable recent comments widget (using JSON feed)

၆။ အပေါ်က blogspot က free ပေးထားတဲ့ comment service ပါ။ နောက်တစ်မျိုး သုံးကြည့်ချင်တယ်ဆိုရင်တော့ Halo scan ကို သုံးလို့ ရပါတယ်။ ဘာကွာလဲဆိုတော့ ဘလော့ဂ်ဂါမှာက comment တွေကို delete ပဲ လုပ်လို့ ရတာ။ Halo scan က IP trace နဲ့ comment တွေကို edit လုပ်လို့ရတဲ့ feature ပိုတယ်လေ။ ပြီးတော့ recent comment widget အတွက် coding တစ်ခါတည်း ပေးထားတယ်။
• blog အတွက် comment tracking နဲ့ recent comment widget (သဉ္ဖာ)

၇။ ပို့စ်အရှည်ကြီးတွေကို ခေါက်သိမ်းထားချင်တယ်ဆိုရင် (read more.. ဆိုတာ နှိပ်လိုက်မှ ပို့စ်တစ်ခုလုံးပေါ်လာတာမျိုး..)
• Peek-a-boo Post (ကိုဝေယံလင်း)

၈။ နောက်တစ်ခုကတော့ eot ပါ။ နံပါတ် ၃ မှာ CSS coding တွေ ပြင်တာက ကိုယ့်ဘလော့ဂ်ကို မြန်မာ ဖောင့်ရှိတဲ့ ကွန်ပျူတာတိုင်းမှာ ဖတ်လို့ရအောင်လို့ပါ။ eot ကတော့ မြန်မာ ဖောင့်သွင်းမထားတဲ့ ကွန်ပျူတာတွေကနေ ကိုယ့်ဘလော့ဂ်ကို ဖတ်လို့ ရအောင် လုပ်ခြင်းပါဘဲ။ ဒီအတွက်
• eot လုပ်ရအောင် - ၁ (ကိုမောင်လှ)
• EOT လုပ်ကြည့်ခြင်း (သဉ္ဖာ)

၉။ ဒီလိုနဲ့ ဘလော့လေးတစ်ခု ဖြစ်မြောက်သွားပြီ ဆိုပါစို့။ တစ်ခါတစ်လေ ကော်နက်ရှင် မကောင်းရင် ဘလော့ဂ် စပေါ့က ဒုက္ခပေးတော့မယ်။ ပို့စ်တွေ အားလုံး ရေးလို့ ပြီးသွားရင် Connection time out ဆိုပြီး ပို့စ်တင်လို့ မရ ဖြစ်တတ်ပါတယ်။ ဒီလိုမျိုး စိတ်ညစ်ရခြင်းတွေကို mail-to-blogger ဆိုတဲ့ feature က ဖြေရှင်းပေးပါလိမ့်မယ်။ မိမိရဲ့ gmail ကနေတဆင့် ပုံမှန် အီးမေးလ် ပို့သလိုဘဲ ပို့ရုံနဲ့ ပို့စ်တင်နိုင်မယ့် နည်းကို
• အီးမေးလ် မှ တဆင့် ဘလောက် ဘယ်လို လုပ်ရပါ့ (ကိုရဲမွန်)

၁၀။ ကိုစေတန်ဂေါ့ဒ် ရေးထားတဲ့ မြန်မာ ဘလော့ဂ်ဂါ လက်စွဲ ကို ဒေါင်းလုတ်လုပ်ပြီး လေ့လာကြည့်ပါ။

၁၁။ ကိုညီလင်းဆက် စုစည်းထားပေးတဲ့ Making Myanmar blog ဆိုတဲ့ ပို့စ်လဲ အရမ်း အသုံးဝင်ပါတယ်။

၁၂။ မြန်မာ ဘလော့ဂ်တွေ အတွက် tips and tricks တွေကို စုစည်းထားပေးတဲ့ MM Blogger Helpdesk မှာ အသုံးဝင်တာတွေ ရှာ တွေ့နိုင်ပါတယ်။

၁၃။ ဘလော့ဂ်နဲ့ ပါတ်သက်ပြီး ဆွေးနွေးမေးမြန်း ချင်တယ်ဆိုရင်တော့ မြန်မာ ဘလော့ဂ်ဂါ ဖိုရမ် မှာ ဘလော့ဂ်ဂါ ဂုရုတွေ ဖြေကြားပေးပါလိမ့်မယ်။
ဆက်ပါဦးမယ်။

-- လိုအပ်မယ်ထင်တာလေးတွေ ဖြည့်ပေးကြပါနော်။ --

ကျမနှင့် ဘလော့ဂ် ပြသနာ

အခုတလော post အသစ်တွေ တင်မရ ဖြစ်နေတယ်။ အထူးသဖြင့် ပို့စ်တွေ ရှည်နေရင် လုံးဝ တင်လို့ မရတော့ပါ။ အင်တာနက် ကော်နက်ရှင် ကြောင့်လည်း မဖြစ်နိုင်ဘူးလို့ ထင်တာဘဲ။ အရင် ကျမ ရုံးမှာ လုပ်တုံးက wireless သုံးပြီး ပို့စ်တင်တာ လုံးဝ အခက်အခဲ မရှိခဲ့ပါဘူး။ အခု ကျောင်းကနေ ပို့စ်တင်တော့ နည်းနည်းရှည်တာနဲ့ Cannot connect to blogger. Please try again. ဆိုတာကြီး ပေါ်ပေါ်လာရော။ သေချာ ပြန်စဉ်းစားကြည့်တော့ LAN size ကြောင့် ဖြစ်မယ်လို့ ကျမထင်တယ်။ သေချာတော့ မသိပါဘူး။

တစ်ရက်လည်းမဟုတ်။ နှစ်ရက်လည်း မဟုတ်။ ဒီလိုနဲ့ စိတ်ညစ်ပြီး ဘလော့ဂ်ဂါလောကကို ကျောခိုင်းစွန့်ခွါလု နီးနီးမှာ အစ်ကိုကြီး တစ်ယောက်ချသွားတဲ့ comment ကို ဖတ်ကြည့်မှ blogger မှာ mail-to-blogger ဆိုတဲ့ feature ရှိတာကို သိလိုက်ရတယ်။ Blogger -> Settings -> Email မှာ ကိုယ် email နဲ့ post လုပ်ဖို့ address တစ်ခုကို ရွေးပြီး Publish လုပ်လိုက်ပါတယ်။ ဒီတော့ ပို့စ်တွေကို gmail ကနေ တင်လို့ ရသွားပါတယ်။ ကျမ တင်တာ ပို့စ် သုံးခုလောက်တော့ ရှိပါပြီ။ ဘာကောင်းသလဲဆိုတော့ ပို့စ်တွေ ချက်ချင်းတက်ပါတယ်။ ဒီတော့ အချိန်ကုန် သက်သာပါတယ်။

မကောင်းတဲ့ အချက်တွေကတော့

၁။ ပုံတွေ တင်လို့ မရပါဘူး။

၂။ ပို့စ် alignment ကို justify လုပ်လိုက်ရင် font ပျောက်သွားသလားမသိပါ။ မြန်မာစာ မပေါ်တော့ဘူး။ လေးထောင့်တွေဘဲ ပေါ်တော့တယ်။

၃။ Peek-a-boo လုပ်လို့ မရပါဘူး။ (HTML code တွေ ထည့်လို့ မရပါ။)

အနည်းဆုံးတော့ ပို့စ်တွေ ဆက်တင်လို့ ရနေသေးတယ်ဆိုပြီး ဖြေသိမ့်နေရပါတယ်။ မောင်သန့်ဇင် ကတော့ windows live writer သုံးတယ်တဲ့။ download တော့ လုပ်ထားပြီးပြီ်။ စမ်းတော့ မသုံးကြည့်ရသေးဘူး။

Tagged game pool ထဲ ပါခဲ့ရပြန်တယ်

ဒီရက်ပိုင်း မြန်မာ ဘလော့ဂါတွေ tag တမ်း ကစားနေကြပါတယ်။ ကျမလည်း လမ်းလျှောက်ရင် ခြေထောက်ကို တည့်တည့်ထားမှ လျှောက်လို့ရတဲ့ ကိုရန်အောင်၊ ရှမ်းပြည်ကိုကြိုက်တယ်ဆိုတဲ့ ကိုချမ်းမြစိုး နဲ့ ညီမလေးရဲ့ တိုတို တို့ ရဲ့ tag ခြင်းခံလိုက် ရပြီးသကာလ ကိုယ့်ရဲ့ ပုံမှန် မဟုတ်တဲ့ အကျင့်တွေကို ရေးချရန် အကြောင်းဖန်လာပါတော့တယ်။ လူတစ်ကိုယ် စရိုက်တစ်မျိုးပေါ့နော်။

၁၀။ အစားစားတာကနေ စရေးရတော့မှာဘဲ။ တစ်နေ့တစ်နေ့ အများဆုံးလုပ်နေတဲ့ အလုပ်ဆိုတော့။ =) ကျမဟာ အစားဂျီးများတဲ့သူ လုံးဝမဟုတ် ရပါဘူး။ ဒါပေမယ့် ကျမ လုံးဝမကြိုက်တဲ့ ကြက်သွန် family ဝင်တွေက ဟင်းတိုင်းမှာ ပါနေတော့ ကွိုင်ဘဲ။ ကြက်သွန်နီ၊ ကြက်သွန်ဖြူ၊ ကြက်သွန်မြိတ်၊ နံနံပင်၊ ငရုတ်သီး စတဲ့ ဟင်းထဲမှာ ရှုပ်နေတဲ့ အရာတွေ အားလုံးကို လုံးဝစားလို့ မရဘူး။ ဒီတော့ နေ့တိုင်းလိုလို ထမင်းမစားခင် အရင်ဆုံးလုပ်လေ့ ရှိတာကတော့ ဟင်းထဲကနေ မစားတဲ့ အရာတွေကို ဆယ်ထုတ်ပါတယ်။ အားလုံးရှင်းသွားမှ စားပါတယ်။ ခေါက်ဆွဲ စားရင် ဆယ်ယူရေး အချိန် နည်းနည်း ပိုကြာတာပေါ့။ ကိုယ့်ဟာနဲ့ကိုယ်တော့ ဟုတ်နေတာဘဲ။ ဒါကို ဘေးကလူတွေကတော့ ကြည့်လို့ မရကြပါဘူး။ သူငယ်ချင်းတွေကတော့ ကျမကို ဆယ်လွန်းလို့ ကယ်ဆယ်ရေးဌာနမှာ အလုပ်လုပ်ပါလားတဲ့။

၉။ နောက်တစ်ခုလည်း အစားနဲ့ ပါတ်သက်တာဘဲ။ လူတွေ အရမ်းစားတဲ့ ချော့ကလက်ကို ကျမ လုံးဝမကြိုက်တာဘဲ။ ချော့ကလက်စားရင် stress ကျတယ် လို့တော့ ကြားဖူးတယ်။ ကျမကတော့ အဲဒီ ချော့ကလက်ကို စားလိုက်ရင် မရှိတဲ့ stress တွေ ဝင်လာတယ်။ သူငယ်ချင်းတွေကလည်း တွေ့ရင် ချော့ကလက်၊ ချော့ကလက် ရေခဲမုန့်၊ ချော့ကလက် ချိုချဉ်၊ ချော့ကလက် ဝေဖာ၊ ဒါတွေဘဲ စားမလားလို့ လာလာမေးတော့ မကြိုက်ဘူးလို့ ဖြေရင်ဘဲ အူကြောင်ကြောင် လူတစ်ယောက်လို့ အမြဲ အထင်ခံနေရပါတယ်။

၈။ အစားတွေချည်း ဖြစ်နေပြီ။ အခု တစ်ခုကတော့ ကိုယ့်ကိုကိုယ် ပြုပြင်သင့်တဲ့ အကျင့်လို့တော့ သတ်မှတ်ထားပါတယ်။ အသီးအနှံတွေကို အခွံခွာပြီးမှ စားပါတယ်။ ပန်းသီး၊ သစ်တော်သီး အခွံကတော့ လူတိုင်းခွါတာပေ့ါလို့ ဆိုရင် ကျမက ပိုခွာပါတယ်။ လိမ္မော်သီးဆိုရင် အမွှေး တစ်မျှင်မှ မကျန်အောင် ရှင်းမှ စားလို့ ဝင်ပါတယ်။ ဆိုးတာက စပျစ်သီးကို အခွံ ခွာမှ စားပါတယ်။ ဒါတော့ဆိုးတယ်။ လူအများနဲ့စားရင် ငတ်တာ များတယ်။ ကျမ သုံးလုံးလောက် စားပြီးရင် အားလုံး ပြောင်ပြီ။ မခွာရင်လည်း လုံးဝ စားလို့ မရလို့။ ဒုက္ခ.. ဒုက္ခ..

၇။ ညအိပ်ရင် ခေါင်းအုံး နှစ်လုံး မရှိရင် လုံးဝအိပ်လို့ မရဘူး။ ဖက်လုံးတော့ မကြိုက်ဘူး။ အဲဒါကြောင့် ခေါင်းအုံး သုံးလုံး ဝယ်ထားတယ်။ တစ်လုံးက သူများ လာငှားရင် ပေးဖို့။ မဟုတ်ရင် သူငယ်ချင်းတွေ လာငှားတဲ့ နေဆို အိပ်လို့ မရလို့..

၆။ ညညဆို အသံတွေ ကြားနေသမျှ လုံးဝ အိပ်လို့ မရတာ အဆိုးဆုံး ရောဂါပါ။ ဘယ်လောက် အသံတိုးတိုး နားက ကြားနေရော.. အဆောင်မှာနေတော့လည်း လူအမျိုးမျိုး… ညည ရုပ်ရှင် ထကြည့်တဲ့ roommate.. ညည ဖုန်းပြောတဲ့ roommate.. ဒါကြောင့်ဘဲ လူတွေ တော်တော်များများနဲ့ ရန်ဖြစ်ခဲ့ရဖူးတယ်။ ဒီတော့ လူတွေ အားလုံး အိပ်သွားမှ အိပ်ဖြစ်တော့ ညစောစောမအိပ် မနက်စောစောမထတဲ့ အကျင့် ရသွားတာဘဲ။

၅။ စာကျက်ရင်လည်း ပါတ်ဝန်းကျင် တစ်ခုလုံး တိတ်ဆိတ်နေမှ ကျက်လို့ရတယ်။ ဒါကြောင့် အဆောင်မှာနေတာထက် ခိုက်ခိုက်တုန်အောင် အေးပေမယ့် တိတ်ဆိတ်တဲ့ library ကိုရောက်နေတာက ပိုများပါတယ်။ မှတ်မိသေးတယ်။ ကျမ ၁ဝတန်းဖြေတုန်းက တစ်အိမ်လုံး စကားတိုးတိုးပြောပြီး အသံတိတ် ရုပ်ရှင်ကြည့်တတ်တဲ့ အကျင့် ရသွားကြသေးတယ်။

၄။ တစ်ရက်ကို ၈နာရီပြည့်အောင် အိပ်လေ့ရှိတယ်။ အိပ်ရေးပျက်သွားရင် နောက်နေ့ အစားထိုး ပြန်အိပ်တယ်။ အခုတော့ အိပ်ချိန်ကို တတ်နိုင်သမျှ လျှော့နေပါတယ်။

၃။ တစ်ချို့တွေက ကျမကို အရမ်းစကားများတဲ့ ကောင်မလေးတဲ့။ တစ်ချို့ကြပြန်တော့လည်း အရမ်းအေးလို့တဲ့။ ဒီမှာတင် personality နှစ်မျိုးဖြစ်နေပြီ။ စိတ်ပေါက်ရင် ပေါက်သလို နေပါတယ်။ တစ်ခါတလေ ပေါကြောင်ကြောင်နေပြီး တစ်ခါတစ်လေတော့ ပညာရှိဂိုက် ဖမ်းတတ်ပါတယ်။

၂။ ဆေးထိုးအပ်ကို သူမတူအောင် ကြောက်ပါတယ်။ အခုထိဘဲ…

၁။ အနေအထိုင်ကတော့ ဆင်မယဉ်သာပါဘဲ.. ကိုယ့်ခြေထောက်ထက်ကြီးတဲ့ ဖိနပ်နဲ့ မြေလူးနေတဲ့ ဘောင်းဘီမျိုးကို အရမ်းကြိုက်ပြီး ကားယား ကားယား လမ်းလျှောက်နေတာတွေ့ရင် လှမ်းသာ ခေါ်လိုက်ပါတော့။ လူမမှားစေရဘူး…

ကိုရန်အောင် ပြောသလို DV များ ပေါက်မလားလို့ မနည်းစဉ်းစားရေးလိုက်ရတယ်။ ၁ဝချက်တော့ ပြည့်သွားသားဘဲ။ ပုံမှန်ဟုတ်သော အမူအကျင့်များ ကို ရေးခိုင်းရင်တောင် ၁ဝချက်ပြည့်မှာ မဟုတ်ဘူးလို့ doubt ဖြစ်လာပြီ… =)

ကိုယ် ခံထားရတော့ မထူးဘူးဆိုပြီ်း ဆက် tag ပါ့မယ်။ ကံထူးရှင်တွေကတော့
၁။ မောင်သန့်ဇင်
၂။ မောင်စေတန်ဂေါ့ဒ်
၃။ အိမွန်စိုး

ကဲ… အားလုံးက ကျောင်းသားတွေဆိုတော့ စာပိနေတယ်လို့ အကြောင်းပြရင် စာပိုပိသွားမယ်နော်။ (စာနဲ့ခြောက်မှဘဲ ရမယ့်ပုံဘဲ။) ဤစာဖတ်မိပြီး တစ်ပါတ်အတွင်း အကောင်အထည် ဖော်ကြပေလော့။

blog post လုပ်ခြင်း

ခါတိုင်း ဘလော့ဂ်မှာ ပို့စ် အသစ်တင်တော့မယ်ဆိုရင် http://www.blogger.com/start ကနေမှ login လုပ်ပြီး post တင်လေ့ရှိပါတယ်။ ဒါပေမယ့် ကော်နက်ရှင် နှေးတဲ့ နေ့တွေဆိုရင် အရမ်း စိတ်ညစ်ရပါတယ်။ ပို့စ်အသစ်တင်ချင်ပါတယ်ဆို အဲဒီ page က တော်တော်နဲ့ တက်မလာဘူး။ ဒါနဲ့ တစ်နေ့က google မှာ သွားမွှေကြည့်တော့ နောက် URL တစ်ခုကို ညွှန်းထားပါတယ်။ အဲဒီကနေ ဝင်ရင် တော်တော်မြန်တာကို တွေ့ရတယ်။

https://www2.blogger.com/login.g

အခုတော့ လိပ်network ပက်ကျိnetwork ကနေလည်း ပို့စ်တင်ရတာ စိတ်မညစ်ရတော့ပါဘူး။

EOT လုပ်ကြည့်ခြင်း

EOT ..EOT ဆိုပြီး ကြားနေတာတော့ ကြာပြီ။ မလုပ်ဖြစ်ဘူးဖြစ်နေတယ်။ ဒီနေ့တော့ လုပ်လိုက်ပါဦးမယ် ဆိုပြီး ကိုမောင်လှ ရဲ့ EOT လုပ်ရအောင် post ကို ဖတ်ပြီး လုပ်လိုက်တာ ရသွားပြီလို့တော့ထင်တာဘဲ။ ကျောင်းရောက်မှ lab တွေထဲမှာ လိုက်စမ်းရမယ်။ ရသွားတဲ့အကြောင်း ကူစမ်းပေးချင်တဲ့သူများရှိရင် ကူညီကြပါ။
p.s. ကိုမောင်လှကိုကျေးဇူးတင်ပါကြောင်း (တစ်ခုခုမှားနေရင်တော့ လာမေးဦးမယ်။)

လုပ်နည်း အပြည့်အစုံကိုတော့ ကိုမောင်လှ ရဲ့ page မှာ ဖတ်ကြည့်လိုက်ပါ။ ကိုမောင်လှ ကတော့ eot.htm ကို font ပုံစံ လေးမျိုးနဲ့ လုပ်ထားတာဆိုတော့ .eot file လေးခုထွက်လာပါလိမ့်မယ်။ ကျွန်မကတော့ တစ်ခုထဲနဲ့ စမ်းကြည့်ထားတယ်။ loading time ကြာမှာစိုးလို့။ ကျွန်မရဲ့ eot.htm ကတော့ ဒီလိုပါ။

အဲဒီ အပေါ်က ကုဒ်ကို notepad မှာရေးပြီး save as -> eot.htm ဆိုပြီး save လိုက်ပါတယ်။ ကိုမောင်လှရဲ့ steps တွေ အတိုင်း follow လုပ်လိုက်တော့ ZAWGYIO0.eot ဆိုပြီး ဖိုင်တစ်ဖိုင်ဘဲ ထွက်လာပါတယ်။ ကုဒ်ကတော့ အောက်ကအတိုင်းပါ။

@font-face {
font-family: Myanmar3;
font-style: normal;
font-weight: normal;
src: url(ZAWGYIO0.eot);
}

ZAWGYIO0.eot ဆိုတဲ့ ဖိုင်ကို Upload လုပ်ဖို့ ကျွန်မ google pages ကို ရွေးပါတယ်။ account တွေ အများကြီး လိုက်ဖွင့်နေစရာ မလိုတဲ့ အပြင် upload လုပ်ရတာ အရမ်းအဆင်ပြေပါတယ်။ ကိုယ့်ရဲ့ gmail account ကို သုံးရုံပါဘဲ။
အပေါ်က googlepage screenshot ပါ။
~Happy blogging~

blog အတွက် comment tracking နဲ့ recent comment widget

၁။ www.haloscan.com ကိုသွားပြီး sign up လုပ်ပါ။ Login လုပ်ပြီးသွားရင် first page ပေါ်လာမယ်။ အဲဒီမှာ Install page ကိုသွားပါ။ Blogger or Blogspot ကို ရွေးပြီး Next ကို clickလုပ်ပါ။

၂။ ပြီးရင် အောက်ကပုံမှာ ပြထားတဲ့ page ကို ရောက်မယ်။ သူရေးပေးထားတဲ့ steps တွေအတိုင်း လိုက်လုပ်ပါ။

i. ကိုယ့်ရဲ ့ blogger account ကိုဝင်ပြီး template ကို download လုပ်ပါ။ (template tab -> Edit HTML -> click “Download Full Template”)

i. template နာမည်က template-123456789000876.xml ဆိုပြီး ရပါလိမ့်မယ်။ အဲဒါကို halo scan က “upload your template here” ဆိုတဲ့ နေရာမှာ upload လုပ်လိုက်ပါ။ (ပုံ ၂ မှာပြထားတဲ့ page မှာ)

ii. halo scan က template ကို modify လုပ်ပြီး “Download New Template” ဆိုပြီး ပြန်ပေးလိမ့်မယ်။ Upload_this_to_Blogger.xml ဆိုတဲ့ နာမည်နဲ ့ပါ။

iii. ကိုယ့်ရဲ့ blogger account ကို ပြန်ဝင်ပြီး upload ပြန်လုပ်ပါ။ (ပုံ ၃ မှာပြထားတဲ့ page မှာ Browse ကိုနှိပ်ပြီး အခုနက ဒေါင်းလုတ်လုပ်ထားတဲ့ Upload_this_to_Blogger.xml နာမည်နဲ့ ဖိုင်ကို upload လုပ်ပါ။)

၃။ ဒီလိုဆိုရင် haloscan ကို install လုပ်လို့ ပြီးသွားပါပြီ။ (ဘလော့ဂ်ကိုကြည့်ပြီး နောင်တရသွားတယ်ဆိုရင်တော့ နဂို template အဟောင်းကို upload ပြန်လုပ်ပေါ့)

၄။ recent comment widget ထည့်ချင်ရင်

i. Members page ရဲ့ Recent Comments ရဲ့ အောက်နားမှာ “Put this widget on your site” ဆိုဒါကို click လုပ်ပါ။

ii. သူပေးထားတဲ့ ကုဒ်ကို ကော်ပီလုပ်ပါ။ ပြီးရင် blogger page ကို ပြန်သွားပါ။ (ပုံ ၃) ၎င်းတွင် page element tab -> “add a page element” ကိုသွားပါ။ pop-up မှာ HTML/JavaScript ကိုရွေးပါ။ ပြီးလျှှင် အခုနက haloscan ကနေ ကော်ပီလုပ်ထားတဲ့ ကုဒ်ကို paste လုပ်ပါ။

မှတ်ချက်။ Haloscan သုံးလိုက်ရင် ကိုယ့်ရဲ ့ဘလော့ဂ်မှာ နဂိုရှိနေတဲ့ comment တွေအားလုံးပျောက်သွားမှာနော်။

P.S. steps တွေက blogging နဲ ့ရင်းနှီးသွားသူ တစ်ယောက်အတွက် အရမ်းလွယ်နိုင်ပေမယ့် newbies တွေအတွက် နည်းနည်းဖြစ်ဖြစ် အထောက်အကူ ရအောင်ပါ။ ကျွန်မလည်းသင်ယူနေဆဲ လေ့လာနေဆဲပါ။ လိုတာရှိရင် ဖြည့်ပေးကြပါ။
--------------------------------------------------------------------------------------------------

recent comment widget ကို ဒီအတိုင်း ထည့်ထားတော့ "#&xxx; #&xxx; ...." ဆိုပြီးပေါ်နေပါလိမ့်မယ်။
အဲဒါကို မြန်မာလိုပေါ်အောင် ပြောင်းချင်ရင်
၁။ Haloscan account ထဲဝင်ပြီး Settings ကိုသွားပါ။
၂။ ပြီးရင် Advance setting အောက်က Character Encoding မှာ UTF-8 ကို ရွေးလိုက်ရင် အဆင်ပြေသွားပါလိမ့်မယ်။

Haloscan

ဒီနေ့ Haloscan ကို subscribe လုပ်ပြီး template မှာ ထည့်လိုက်တာ။ နဂိုရှိနေတဲ့ comment တွေ အကုန်ပျောက်ကုန်ရော။ အရင် comment ချန်ခဲ့တဲ့ blog friends တွေကို အားလည်းနာတယ်။
blog တွေဆက်ရေးဖြစ်သွားတာကလည်း ဒီလို comment ပေးတဲ့သူတွေရှိလို့နဲ့ cbox မှာ လာနှုတ်ဆက်တဲ့ သူတွေကြောင့်ပါဘဲ။ ဒါပေမယ့် ဘာမှလည်း လုပ်လို ့မရဘူး။ တစ်ကပြန်စကြတာပေါ့နော်။

Reference: ကို CMS's ရဲ ့ ဘလော့ဂါ ဖိုရမ်မှ post
Admin တင်၍ yanaung ဘာသာပြန်သော ဘလော့ဂါဖိုရမ်မှ post

xxxtestingxxx