How to solve “Missing SDK Platform Android, API xx” while updating in Android SDK Manager

The main problem I always face while updating Android SDK in Eclipse is either the latest SDK doesn’t show up in the SDK Manager or updates for “Android SDK tools” and “Android SDK platform-tools” were never available. Seems this always happens in the older versions of eclipse, one of my friends who is using the latest eclipse version doesn’t seem to have this problem.

On one fine day, I feel like I should start blogging these as Android debugging series, at least for personal reference since I am doing a lot of Android developments lately.

Here's how to solve the problem of "Missing SDK Platform Android, API xx":

1. Update Android SDK manager from Eclipse first: Click “Help” from the menu bar->Check for Updates -> Update the “Android SDK Manager” 
2. Open Android SDK Manager, install “Android Support Repository” if you haven’t installed it. 
   
3. Open Android SDK Manager->Select “Packages” from menu bar->Click “Reload” 
4. By now, you should see updates for “Android SDK tools” and “Android SDK platform-tools”. Install them first. 
   
5. After that “Reload” SDK Manager again. Sometimes “Reload” doesn’t work, just close the Android SDK Manager and reopen it. You shall see the latest SDK Platform appear in the list.
   

~Happy c0d1ng!~

Cream Puff with Custard filling

Pastry တွေထဲမှာ Cream Puff နဲ့ Croissant ကို တစ်အားကြိုက်တယ်။ Cream Puff ကို ချောကလက် topping ထည့်လိုက်ရင် အီကလဲဖြစ်သွားရော။ အများအားဖြင့် အီကလဲက ရှည်မြောမြောပုံစံ။ တစ်နေ့ မEvy ဘလော့ဂ်မှာ ဖတ်မိတော့မှ လုပ်ရတာ လွယ်တဲ့ပုံပေါက်တာနဲ့ လိုက်လုပ်ကြည့်တာ။ Cream puff လုပ်နည်းကို မEvy နဲ့ မအိချော ဘလော့ဂ်၂ခုကနေ မှီငြမ်းတယ်။ ပြီးတော့ youtube ထဲကနေ ဒီvideo နဲ့ ဒီvideo တွေမှာ လုပ်နည်းကြည့်တယ်။ ဒီတစ်ခေါက် တတိယအကြိမ်မြောက်လုပ်မှ နည်းနည်းလှတပတထွက်လာလို့ လုပ်နည်း ပြန်ရှဲလိုက်ပါတယ်။ 

Cream Puff with Custard Filling

INGREDIENTS
Cream Puff (~16 pieces)
ဂျုံ − ၇၅ ဂရမ်
ကြက်ဥ − ၂လုံး
ထောပါတ် − ၄၅ ဂရမ်
ရေ − ၁၂၅ မီလီလီတာ (ml)
သကြား − 1tbsp (ထမင်းစားဇွန်းတစ်ဇွန်း)
ဆား − အနည်းငယ်

Custard Filling 
Custard Powder − 1tbsp (ထမင်းစားဇွန်း)
Corn Starch - 1tbsp (ထမင်းစားဇွန်း)
ဗနီလာနံ့ − ၂စက်
ကြက်ဥ − ၁လုံး
သကြား − 1.5tbsp
နွားနို့ − 250ml

Ingredients တွေ 

Cream Puff အခွံလုပ်နည်း 

၀။ oven ကို ကြိုဖွင့်ထားပါ။

၁။ ဂျုံကို ဇကာချပြီး ဆား+သကြား တို့နဲ့ ရောမွှေထားပါ။ 

၂။ မီးဖိုပေါ်မှာ ရေ ၁၂၅ml ကို တည်ပါ။ နည်းနည်းနွေးလာပြီဆိုရင် ထောပါတ်ကို ထည့်ပါ။ ရေဆူပြီး ထောပါတ် အကုန်ပျော်သွားတဲ့ထိ စောင့်ပါ။ [ပုံနံပါတ် ၁]

၃။ မီးဖိုပေါ်က ခဏချလိုက်ပြီး နံပါတ်၁ မှာရောထားတဲ့ ဂျုံအရောကို ထည့်ပြီး သမအောင်မွှေပါ။ [ပုံနံပါတ် ၂]

၄။ ပြီးရင် မီးဖိုပေါ်ပြန်တင်ပြီး​ မျက်နှာပြင်ချောလာတဲ့အထိ မွှေပေးပါ။ မကပ်အောင် သစ်သားဇွန်းနဲ့မွှေရင် ပိုကောင်းပါတယ်။ (သုံးမိနစ်ခန့်) 

၅။ မီးဖိုပေါ်ကချပြီး ခဏ အအေးခံထားပါ။ [ပုံနံပါတ်၃ထဲက ပုံမျိုး ရပါမယ်။]

၆။ ကြက်ဥ ၂လုံးကို ခလောက်ပြီး ခုနက ဂျုံအရောထဲကို ထည့်မွှေပါ။ သုံးခါလောက်ခွဲထည့်ပါ။ မွှေစက်နဲ့ မွှေမွှေ လက်နဲ့ ဒီတိုင်း မွှေမွှေ ရပါတယ်။ [ပုံနံပါတ် ၄]

၇။ ပြီးရင် piping bag  နဲ့ ဗန်းထဲစီထည့်လို့ရပါပြီ။ ဒီ recipe နဲ့ဆို သဉ္ဇာ့ oven ဗန်း တစ်ဗန်းစာ ကွက်တိဘဲ ၁၆−၂၀ခုလောက် ရတယ်။ (ဗန်းပေါ်မှာ baking paper အရင်ခံပါ။) piping bag မရှိရင် ဒီတိုင် ဇွန်းနဲ့ထည့်ပြီး ပုံဖော်လည်းရတယ်။

၈။ ၁၉၀'C မှာ ၁၀မိနစ်၊ ၁၇၀'C မှာ မိနစ်၃၀လောက်ဖုတ်ပါ။ 

ပြီးတာနဲ့ သူ့ဘာသူ ပွတက်လာပြီး အလယ်မှာ အခေါင်းပေါက်လေး ဖြစ်သွားတယ်။

အထဲထည့်မယ့် Custard Filling

၁။ နွားနို့ + Custard powder + Corn Starch + ကြက်ဥ + သကြား တို့ကို သမအောင် ရောမွှေထားပါ။ 

၂။ ပြီးရင် မီးဖိုပေါ်တင်ပြီး ပျစ်လာတဲ့အထိ မွှေပေးပါ။ ပျစ်လာတဲ့အခါ ဗနီလာနံ့ ၂စက်ကိုထည့်မွှေပြီး မီးဖိုပေါ်ကချ အအေးခံထားပါ။ 

စောနက လုပ်ထားတဲ့ cream puff အခွံကို အလယ်နားကနေ ဖြတ်ပြီး piping bag နဲ့ custard filling ကိုထည့်လိုက်ရင် cream puff ရပါပြီ။ piping bag မရှိလည်း နည်းနည်းကျယ်ကျယ်ဖြတ်ပြီး ဇွန်းနဲ့ထည့်လို့ ရပါတယ်။ :) 

~ Happy Sweet December! ~

November Cosmetics Hauls

ခုလို နိုဝင်ဘာ၊ ဒီဇင်ဘာလတွေမှာ စျေးချတာတွေများတော့ ပစ္စည်းတွေ ဝယ်လို့ကောင်းသလို ပိုက်ဆံလည်း အတော်ကုန်တယ်။ Thanksgiving Sales, Black Friday Sales, Midnight Sales, စသဖြင့် နာမည်မျိုးစုံတပ်ပြီး ဆိုပြီး စျေးအပြိုင်အဆိုင်ချကြတယ်။ ဒီတလောဝယ်ဖြစ်တာတွေက..

LUXOLA 3hours Sales

Luxola haul

Luxola ဆိုဒ်ကို အရင်တစ်ခေါက် Sigma brush လိုက်ရှာရင်းမှ ရှာတွေ့ထားပေမယ့် ခဏခဏ discount ပေးနေလို့ ဝယ်ဝယ်ဖြစ်နေတယ်။ Shipping ဖိုး ပေးစရာမလိုတာရယ်၊ မလေးရှားမှာ သိပ်မတွေ့တဲ့ brand တွေရှိတာရယ်ကြောင့် Sales ရှိတိုင်း တစ်ခုမဟုတ် တစ်ခု ဝယ်ဖြစ်နေတယ်။ အဲဒီနေ့ကလည်း 3 hours Midnight Sales ဆိုပြီး ၃၅% ချတော့ လိုချင်တာလေးတွေ ဝယ်မိပြန်ရော။ တနင်္လာနေ့ (2 Dec 2013) ကြရင်လည်း ၃၅% စျေးချဦးမယ်လို့ အီးမေးလ်ရထားတယ်။ လိုချင်တာရှိရင် ကြည့်ထားနော်။ အဲဆိုဒ်က စျေးမှန်တယ်၊ ပစ္စည်းလည်း စိတ်ချရတယ်။ :) 

အရင်တစ်ခေါက် ဝယ်ဖြစ်တာတွေက..

၁။ Sleek Makeup Face Contour Kit (Light) - bronzer နဲ့ highlighter နှစ်မျိုးပါတယ်။ beauty blogger တွေ တော်တော်များများ recommend လုပ်ကြတယ်။ Light, Medium, Dark ဆိုပြီး shade သုံးမျိုးလာတယ်။

၂။ Beauty Blender - အရင်ပို့စ် မှာ beauty blender dupes အကြောင်းရေးဖူးတယ်။ အတုလိုက်ထုတ်တာတောင် တော်တော်သုံးလို့ကောင်းတော့ original ကို သုံးကြည့်ချင်လို့ စျေးချတုန်း ဝယ်လိုက်တာ။ မဟုတ်ရင် sponge တစ်ခုကို USD20 လောက် ပေးဝယ်ဖို့ တော်တော်စဉ်းစားရမယ်။ နောက်မှ Beauty Blender နဲ့ similar sponge ကို ယှဉ်ပြီး ပို့စ်သပ်သပ်ထပ်ရေးဦးမယ်။ :)

၃။ Konjac Sponge Charcoal - Konjac sponge အကြောင်းလည်း အရင်ပို့စ်မှာ တစ်ခါရေးဖူးသေးတယ်။ ပထမတစ်ခေါက်ဝယ်တာက အဖြူရောင်၊ တရုတ်ကထုတ်တဲ့ဟာ။ Luxola မှာရောင်းတာက Korea ထုတ်တဲ့ The Konjac Sponge Company တံဆိပ်၊ charcoal sponge က oily and acne prone skin အတွက် သင့်တော်တယ်ဆိုလို့ ထပ်ဝယ်ဖြစ်တယ်။ အရင်တစ်ခုထက် ပိုသုံးလို့ကောင်းတယ်။ 

၄။ Maybelline Baby Skin Pore Eraser - မလေးရှားမှာ Maybelline ရဲ့ baby skin range ရှာလို့မရတော့ဘူး။ Luxola မှာတွေ့တာနဲ့ တစ်ခါတည်း မှာလိုက်တာ။ သုံးကြည့်သလောက် တစ်အားတော့ မကောင်းဘူး။ အဆီနည်းနည်းပြန်တယ်။ 

− ဟိုတစ်နေ့က Black Friday Sales ဆိုပြီး စျေးချတုန်းက  Olay Regenerist Megasonic Specialist Cleanser တစ်ခုမှာထားသေးတယ်။ အပြင်မှာ တော်ရုံစျေးမချတဲ့ပစ္စည်းတွေကို စျေးလျှော့ပြီးရတော့ တန်တယ်ထင်တာဘဲ။ :) 

SEPHORA Member Sales

 Sephora haul

Sephora က Member Sales ဆိုပြီး 20% discount ချတော့ လိုတာတွေရော (မလိုတာတွေရော) ဝယ်ဖြစ်သွားတယ်။ :D 

၁။ Shiseido Pureness Cleanser and Softner - အရင်က သဉ္ဇာ့အသားအရေက skin breakout ခဏခဏဖြစ်တယ်။ acne prone skin type.. လွန်ခဲ့တဲ့ တစ်နှစ်ခွဲလောက်မှစပြီး Shiseido Pureness ကို စသုံးကြည့်တာ တော်တော်တည့်တယ် ပြောရမယ်။ skin breakout သိပ်မဖြစ်တော့ဘူး။ မျက်နှာပေါ်က acne တွေ၊ အနီရောင် အစက်အပြောက်တွေ လည်း သိသိသာသာလျော့သွားတယ်။ ခြောက်လလောက်အတွင်းမှာတင် skin condition တော်တော်ကောင်းသွားတယ်လို့ ပြောလို့ရတယ်။ သူ့ Moisturizer ကိုတော့ သိပ်မကြိုက်လို့ ဆက်မသုံးဖြစ်ဘူး။ cleanser နဲ့ softner ကတော့ ဆက်သုံးဖြစ်နေတယ်။ နဂိုသုံးနေတာတွေ ကုန်ခါနီးမို့ စျေးချတုန်း ထပ်ဝယ်ထားလိုက်တာ။ 

၂။ Soap & Glory က lipbalm (peach) - ရုံးကစားပွဲမှာထားတဲ့ lipbalm ကုန်နေလို့ဆို လိုက်ရှာရင်း ဒီတံဆိပ်ဝယ်လိုက်တယ်။ moisturize ဖြစ်တဲ့အပြင် အရသာလည်းကောင်းတယ်၊ ချိုနေတာဘဲ။ haha..  :D

ပြီးတော့ NYX product တစ်ခါမှ မသုံးဖူးလို့ တစ်ချို့စမ်းဝယ်ခဲ့သေးတယ်။ youtube က review တွေမှာ NYX ကို လူပြောများကြလို့၊ သုံးကြည့်ပြီးမှဘဲ review သပ်သပ်ရေးတော့မယ်။ :) 

၃။ NYX jumbo eyeliner (milk and gold) - cream eyeshadow ပုံစံမျိုး

၄။ NYX Matte Lipstick (Angel)

၅။ NYX Stay Matte liquid foundation (05 Soft Beige) − Oil free, water based, full coverage, Matte Finish ဆိုတာ စိတ်ဝင်စားလို့ စမ်းဝယ်ခဲ့တာ။ စျေးလည်းသက်သာတယ်။

Sales တွေလည်း တစ်အားများလွန်းရင် မကောင်းပြန်ဘူး။ :D မြန်မြန်ရပ်မှဘဲ၊ မဟုတ်ရင် bankrupt ဖြစ်တော့မယ်။

Favorite pre-packaged food from Taunggyi

မြန်မာပြည်ပြန်တိုင်း အစားအသောက်ကို အများဆုံး ပြန်ယူလာဖြစ်တယ်။ တောင်ကြီးကဝယ်ခဲ့တာမို့ တောင်ကြီးလို့ ခေါင်းစဉ်တပ်လိုက်တာ။ အချို့အစားအစာတွေကတော့ အခြားမြို့တွေမှာလည်း ဝယ်လို့ ရကောင်းရပါလိမ့်မယ်။ ဟိုနေ့က လက်ဖက်နဲ့ ထမင်းနဲ့ နယ်၊ စွန်တန်ဟင်းရည် နဲ့စား၊ ရေနွေးကြမ်းသောက်ရင်း သတိရလို့ ဘလော့ရေးဖြစ်သွားတာ။

၁။  လက်ဖက်

လက်ဖက်ဆို လက်ဖက်ညွှန့်ဘဲကြိုက်တာမို့ မြေလတ်သားကနေ ဝယ်ဖြစ်တယ်။ သူက တစ်ခါထဲနှပ်ပြီးသား ဗူးနဲ့လာတော့ ဒီပြန်ရောက်ရင် ဗူးလိုက်ရှာပြီး ထည့်ဖို အလုပ်မရှုပ်တော့ဘူး။ တစ်ပုလင်း တစ်ထောင်ထင်တယ်။ အဲဆိုင်က ပဲကြော်တွေလည်း စားလို့ကောင်းတယ်။ တောင်ကြီးမြို့မစျေးနားက နာရီစင်နားမှာ ဆိုင်အကြီးကြီးဘဲ။ အခြားဒေသထွက် အစားအသောက် တော်တော်များများလည်း ရောင်းတယ်။ 

၂။ အသင့်စား စွန်တန်ဟင်းရည်

အရင်ကဆို စွန်တန်အခြောက်ကို အဖွားကိုယ်တိုင်လုပ်တာ။ ဆောင်းတွင်းမှာ အခြောက်လှမ်းထားရင် တစ်နှစ်လုံး အထားခံတယ်။ အဖွားဆုံးသွားပြီးကတည်းက ဝယ်ဘဲစားဖြစ်တော့တယ်။ =( စွန်တန်ဟင်းရည်နဲ့ ချဉ်စော်ကားသီး ဟင်းရည် အသင့်စားအထုတ်လေးတွေကို ဒီတစ်ခေါက်ပြန်တော့ အဒေါ်တစ်ယောက်ဝယ်ပေးလိုက်တာ။ အထုတ်သေးငါးထုတ်ကို တစ်တွဲ ၇၀၀။ အထဲမှာ ဂျင်း၊ကြက်သွန်နီ၊ငရုတ်သီးခြောက်၊ဆား၊အရသာမှုန့် အကုန်ပါပြီးသား။ ရေနွေးထည့်ပြီး ၂မိနစ်လောက်နေ သောက်ရုံဘဲ။ အရသာမှုန့်ထဲမှာတော့ အချိုမှုန့် များလွန်းသလိုဘဲ၊ ကိုယ်လိုသလောက် နည်းနည်းဘဲ ထည့်တာကောင်းတယ်။  တစ်ယောက်တည်းစားရင် တစ်ထုပ်ကို ၂ခါလောက်စားလို့ရတယ်။

၃။ လက်ဖက်ခြောက်

လက်ဖက်ခြောက်က အရင်ကဆို စျေးထဲသွားပြီး ဆိုင်တွေမှာ အစိတ်သား၊ ငါးဆယ်သားမျိုး ဝယ်ဖြစ်သာများတယ်။ အမျိုးတစ်ယောက်က ဝယ်လာပေးလို့ "စိမ်ရနံ့လှိုင်" လက်ဖက်ခြောက်သောက်ကြည့်တော့ တော်တော်သဘောကျသွားတယ်။ packaging လေးကလည်း လှတယ်။ ပြီးတော့ လက်ဖက်ညွှန့် သေးသေးလေးတွေ၊ ရေနွေးထဲမှာ အဖတ်ကြီးတွေ ဖြစ်မနေတော့ဘူး။ သူက လှော်ပြီးသားဆိုတော့ အနံ့လည်း တော်တော်မွှေးတယ်။ အဲဒီစက္ကူဗူး တစ်ဗူးဆို ဘေးနားက ပုလင်းထဲထည့်တာ ၂ပုလင်းလောက်ရတယ်။

၄။ မာလာဟင်း၊ မာလာ မြေအိုးမြီးရှည်

မာလာဟင်းကို အရင်တစ်ခေါက်က သူငယ်ချင်းတစ်ယောက် လက်ဆောင်ပေးဖူးကတည်းက စားကောင်းလို့ သဘောကျနေတာ။ မန္တလေးက ပန်းသေးတွေ ထုတ်တာထင်တယ်။  တိုက်တိုက်ဆိုင်ဆိုင်ဘဲ စျေးထဲမှာ ခေါက်ဆွဲသွားစားရင်း အဲဆိုင်မှာ တင်ထားတာတွေ့လို့ တစ်ခါတည်း အများကြီးဝယ်ခဲ့လိုက်တယ်။ တစ်ထုပ်  ၇၀၀။ အထဲမှာ မာလာအမှုန့်၊ ပဲပိစပ်အနှစ်၊ ခေါက်ဆွဲ၊ ပဲလိပ်၊ မှိုခြောက်၊ အသားတု၊ ဘာညာ သာရကာ အစုံဘဲ။ :) ကိုယ်ကြိုက်တဲ့ အရွက်တွေကိုဝယ်ပြီး ပြုတ်၊ အထုပ်ထဲက ပါတဲ့အစာပလာတွေကို ရေစိမ်၊ ပြီးရင် ခဏပြုတ်၊ အစာတွေနဲ့ နယ်စားရုံဘဲ။ သူ့ထဲမှာပါတဲ့ ပဲပိစပ်အနှစ်ကတော့ အသေစပ်လို့ လျှော့ထည့်ရတယ်။ တော်တော့်ကို စားကောင်းတာ။ မြေအိုးမြီးရှည်ထုပ်လည်း မာလာဟင်းထုပ်နဲ့ အတူတူဘဲ၊ မာလာခေါက်ဆွဲနေရာမှာ မြီးရှည်ခြောက်ထည့်ထားတာဘဲ ကွာတယ်။ တစ်ထုပ်ဆို ၂ယောက်လောက် စားလို့ရတယ်။

၅။ ဂျူးပဲပုတ်ကြော်

တောင်ကြီးပြန်တိုင်း "ကျိုင်းတုံ" တံဆိပ် ဂျူးပဲပုတ်ကြော်က မဝယ်မဖြစ်။ သူငယ်ချင်းတွေအကုန်က ကြိုက်လို့ အမြဲမှာနေကြ။ အရင်က သစ်တောရပ်ကွက်ထဲက သူ့ဆိုင်ထိ သွားပြီး ကြိုမှာရတယ်။  ခုက စျေးထဲက နာရီစင်နားက မြေလတ်သားဆိုင်မှာ ဝယ်လို့ရတော့ ပိုအဆင်ပြေတယ်။ ဂျူးမြစ်၊ ပဲပုတ်နဲ့ မြေပဲကို ကြော်ထားတာ၊ ကြွပ်ကြွပ်ရွရွလေး စားလို့ကောင်းတယ်။ အထားလဲခံတယ်။ ခြောက်လလောက်ထိ ထားလို့ရတယ်။  တစ်ထုပ် တစ်ထောင်လားမသိဘူး မေ့သွားလို့။ :)

၆။ ဆင်ဖြူတော် preserved fruits

ဆင်ဖြူတော်တံဆိပ်ကတော့ မြန်မာပြည်မှာ နေရာတော်တော်များများမှာ ဝယ်လို့ရပါတယ်။ ဆားငံသီးထဲမှာတော့ အဲဒီတံဆိပ်ကို ဘယ်သူမှ မမှီသေးဘူး(လို့ထင်တာဘဲ)။ ဒီတစ်ခေါက်ပြန်မှ သတိထားမိတာ packaging တော်တော်ကောင်းလာတယ်။ export ကွာလတီဖြစ်မယ်။ ခါတိုင်း အချဉ်ပေါင်းတွေကို ပလတ်စတစ်နဲ့ထုတ်ထားတာတွေက လက်ဆောင်ပေးလို့ မကောင်းဘူး။ အခုက ဗူးလေးတွေနဲ့ သေချာ ထည့်ထားပြီး လေလုံအောင် ပိတ်ထားတာ။ စားလို့လဲကောင်းတယ်၊ လက်ဆောင်ပေးလို့လဲကောင်းတယ်။ တစ်ဗူးကို ၁၇၀၀ ထင်တယ်။ အများကြီးဘဲပါတယ်။ ဆားငံသီး၊ သရက်ယို အစပ်၊ ရှောက်ယို၊ မရမ်းယို၊ ဂျင်းယို၊ ဇီးယို(အစေ့လွတ်)၊ နောက် ၂မျိုးလောက် မမှတ်မိတော့ဘူး။ ၇မျိုး ၈မျိုးလောက်ရှိတယ်။ တစ်မျိုးတစ်ဗူးစီဝယ်ခဲ့ပြီး သိပ်မကြိုက်တာတွေကို ရုံးကလူတွေကို ကျွေးလိုက်တယ်။ :D

နောက်ထပ်သယ်ဖြစ်တာတွေက ဖရုံစေ့လှော်၊ မုန်ညှင်းချဉ်၊ မုန်လာဥချဉ်၊ အမဲခြောက်၊ ငါးမုန့်၊ နွားနို့ခြောက်၊ မှိုဆီစိမ် စသဖြင့်စသဖြင့် အကုန်တောင် မမှတ်မိတော့ဘူး။  :D ဒီပြန်ရောက်ပြီး အစားအသောက်တွေ ဗူးထဲထည့်၊ ရေခဲသေတ္တာထဲထည့် ပြန်စီရတာတောင် ၂ရက်သုံးရက်လောက် ရှင်းယူရတယ်။ တောင်ကြီး trip ကပုံတွေကို နောက်နေ့မှ တင်ရဦးမယ်။ :)

A daytrip to Melacca

မနေ့က သူငယ်ချင်းမိသားစုနဲ့ မလက္ကားကို နေ့ချင်းပြန်ခရီးသွားဖြစ်ခဲ့တယ်။ အင်္ဂလိပ်လို Melacca ၊ မလေးလို Melaka လို့ပေါင်းတယ်။ မလေးရှားနိုင်ငံရဲ့ သမိုင်းဝင် UNESCO heritage site တစ်ခုဖြစ်တဲ့ မြို့တစ်မြို့ပေါ့။ မလက္ကားကို KL ကနေ ၂နာရီလောက်မောင်းရင်ရောက်တယ်။ သုံးလေးခေါက်ရောက်ဖူးပေမယ့် ဟိုတစ်နေရာ ဒီတစ်နေရာသွားတာဆိုတော့ သိပ်တော့မကျွမ်းကျင်ဘူး။ GoogleMaps ကနေ သွားမယ့်နေရာ အကုန်ပြန်ရှာရတယ်။ မနက် ၈နာရီလောက်ထွက်မယ် မှန်းထားပေမယ့် ၉နာရီကျော်မှ ထွက်ဖြစ်တယ်။ ရောက်ဖြစ်ခဲ့တဲ့နေရာတွေ...

၁။ Pulau Besar 

 Umbai Jetty

မလက္ကားမြို့ထဲမဝင်ခင် လူကြီးတွေသွားချင်တဲ့ Pulau Besar (Pulau=ကျွန်း၊ Besar=big) ကို အရင်သွားဖြစ်တယ်။ Pulau Besar ကိုရောက်ဖို့ မလက္ကားမြို့ကနေ နောက်ထပ် ၁၅ကီလိုမီတာလောက် သွားရတယ်။ GPS မှာ Umbai Jetty ကိုရှာပြီးမောင်း၊ အဲဒီကနေ speedboat လေးတွေငှားလို့ရတယ်။ အသွားအပြန်ကို မလေးရင်းဂစ် ၁၀၀။ Jetty ကနေ ကျွန်းအထိကို ၁၀မိနစ်ကျော်လောက်ဘဲကြာမယ်။ လှေသမားက လိုက်ပို့ပေးပြီးတော့ ပြန်ချင်တဲ့အချိန် ဖုန်းဆက်လိုက်ရင် ပြန်လာခေါ်တယ်။ အဲဒီကျွန်းပေါ်မှာ မလေးရှားနိုင်ငံကို အစောဆုံး သာသနာပြုဖို့ ရောက်ခဲ့တဲ့ Sultan Ariffin Syeikh Ismail နဲ့ သူ့အမျိုးအနွယ်တွေ၊ အခြား မွတ်စလင်မ်သူတော်စင်အချို့တွေကို မြှုပ်ထားတဲ့ အုတ်ဂူတွေရှိတယ်။ Sultan Ariffin က တမန်တော်မိုဟာမက်ရဲ့ ၁၈ဆက်မြောက် အမျိုးအနွယ်လို့ ရေးထားတယ်။ အဲကျွန်းပေါ်မှာ ရှေးခေတ်က မလေး သူရဲကောင်းတွေ သိုင်းကျင့်ခဲ့တဲ့ ဂူတွေလည်း ရှိတယ်ပြောတယ်။ နာရီဝက်နီးနီးလောက် လမ်းလျှောက်ပြီး တောင်​ပေါ်တက်ရမယ်ဆိုတော့ မသွားဖြစ်လိုက်ဘူး။

ရောက်တာနဲ့ နေ့လည်စာ အလကားကျွေးနေတော့ ဝင်စားခဲ့တယ်။ :D နေ့တိုင်း ထမင်း၂နပ် အလကားကျွေးတယ်တဲ့။ ထူးဆန်းတာက အဲဒီကျွန်းကို မွတ်စလင်မ်တွေရော ဟိန္ဒူတွေရော လာပြီး ဆုတောင်းကြတာ တွေ့ရတယ်။ အေးအေးချမ်းချမ်းဘဲ။ Sultan Ariffin ရဲ့ အုတ်ဂူမှာဆိုရင် အစ္စလာမ်ဘာသာဝင်တွေက တစ်ဘက်မှာထိုင်ပြီး ဘုရားစာဖတ်၊ မေတ္တာပို့တာတွေလုပ်ကြတယ်။ နောက်တစ်ဘက်မှာ ဟိန္ဒူဘာသာဝင်တွေက ဘုရားစာရွတ်၊ ပုတီးစိပ်၊ ဆုတောင်း၊ ရေဖြန်း၊ ပန်းကြဲကြတယ်။ သူ့ဟာနဲ့သူတော့ ဟုတ်နေတာဘဲ။ =) သမိုင်းကြောင်းကို နောက်မှ သေချာရှာဖတ်ကြည့်ရမယ်။ 

 Pulau Besar ပေါ်မှာ

အသေးစိတ် သိချင်ရင် − http://www.malaysia-traveller.com/pulau-besar.html 
pulau besar ပေါ်က အခြားစိတ်ဝင်စားစရာနေရာတွေ − http://riverside-paradise.blogspot.com/2012/01/pulau-besar-island-tour-day-trip.html

၂။ Stadhuys (Dutch Square)

Stadhuys ဆိုတာ ဒတ်ချ် စကားနဲ့ City Hall ကိုခေါ်တာတဲ့။ အဲနားတစ်ဝိုက်က အဆောက်အဦးတွေ အကုန် နီနီရဲရဲတွေ။ ဒတ်ချ်လူမျိုးတွေရဲ့ ဗိသုကာလက်ရာ တော်တော်များများရှိတဲ့နေရာ။ Stadhuys တစ်ဝိုက်မှာ tourist attraction တွေများတော့ လူတွေရော ကားတွေရော ပြည့်နေတာဘဲ။ ကားparking တော့ တော်တော်ရှာယူရတယ်။ အဲနားတစ်ဝိုက်မှာ ရှိတာတွေက Queen Victoria Fountain, Clock Tower, Christ Church Melaka နဲ့ အခြားစျေးတန်းလေးတွေရှိတယ်။ အဲဒီစျေးတန်းမှာ ပစ္စည်းတွေ စျေးသက်သာတယ်။

 Queen Victoria Fountain

Christ Church Melacca (built 1753) 

 ၃။ Maritime Museum (Flor De Lama) 

ခုနက Stadhuys ကနေ နောက်ထပ် ၅မိနစ်လောက်လမ်းလျှောက်ရင် Maritime Museum ကိုရောက်တယ်။ ပြတိုက်ကို Flor De Lama ဆိုတဲ့ ပေါ်တူဂီ သင်္ဘောကြီးပုံစံဆောက်ထားတာ။ ဝင်ကြေးက တစ်ယောက် ရင်းဂစ်၈ကျပ်။ 

 Maritime Museum

၄။ Melacca River Cruise 

River Cruise အတွက် လက်မှတ်ကောင်တာက Maritime Museum အနောက်နားလေးမှာရှိတယ်။ Melacca River တစ်လျှောက် အသွားအပြန် မိနစ်လေးဆယ်လောက် ကြာတယ်။ နိုင်ငံခြားသားဆို တစ်ယောက် ၁၅ရင်းဂစ်၊ မလေးရှားနိုင်ငံသားဆို တစ်ယောက် ၁၀။ ထုံးစံအတိုင်း မလေးစကားနဲ့ လက်မှတ်ခြောက်စောင် ပေးပါလို့ ပြောလိုက်တာ ၆၀နဲ့ရလိုက်တယ်။ :D 

river cruise က ဒီလိုမျိုးလှေသေးသေးလေးတွေနဲ့၊ တစ်စီးမှာ အယောက်၄၀ဆန့်တယ်ဆိုပေမယ့် အယောက်၂၅−၃၀လောက်ပြည့်ရင် တစ်စီးထွက်ပေးတယ်။ ဒီတစ်ခုက Maritime Museum နားက မဟုတ်ဘူး အဆုံးဘက်။ ဒီဘက်က စစီးလည်းရတယ်။

 မြစ်ရိုးတလျှောက်က အိမ်လေးတွေမှာ အဲလို ပန်းချီတွေ ဆွဲထားတယ်။ 

တစ်လမ်းလုံးမှာ ပုံစံမျိုးစုံနဲ့ တံတားတွေလည်း တော်တော်လှတယ်။

For more info: http://www.melakarivercruise.com/ 

 ၅။ Ee Ji Ban Chicken rice ball (halal)

မလက္ကားမှာ ကြက်ဆီထမင်းကို အလုံးလေးတွေလုံးပြီးရောင်းတယ်။ ရှမ်းပြည်က ငါးထမင်းနယ်လိုမျိုးလေး။ သူကတော့ အလုံးသေးသေးလေးတွေ။ မလေးရှားက အခြားနေရာတွေမှာ Chicken rice ball ရောင်းတာ မတွေ့ဖူးသေးဘူး။ မလက္ကားရဲ့ speciality ဖြစ်မယ်။ Ee ji Ban တစ်ဆိုင်ဘဲ Halal ဆိုင်ရှိတယ်။ တရုတ်မွတ်စလင်မ်တွေ ဖွင့်ထားတာ။ Non-halal ဆိုင်တွေတော့ အများကြီးရှိတယ်။ chicken rice ball တစ်လုံးကို ပြားသုံးဆယ်၊ ပိစိလေးရယ်။ သူ့menu မှာပြထားတဲ့ပုံက အကြီးကြီးဆိုတော့ နည်းနည်းဘဲမှာလိုက်တာ၊ မလောက်ဘူး။ တစ်ယောက်ကို ၁၀လုံးလောက်မှ အဆာပြေမယ်။ ကြက်သားက half-chicken (steam+roast mix) ကို RM24။ အခြား Nyonya ဟင်းတွေလည်း မှာလို့ရတယ်။ လူကြီးတွေပါတော့ အားလုံးရအောင်စောင့်ပြီး ဓါတ်ပုံရိုက်လို့မရဘူး.. ချတာ အရင်စားတော့ ဓါတ်ပုံက ဒီလောက်ဘဲရတယ်။ :D

Chicken rice ball and nyonya sambal prawn 

အဲဒီဆိုင်ရဲ့ facebook page: https://www.facebook.com/pages/EeJiBan-Chicken-Rice-Ball-Halal/94461985851 

၆။ Melacca Straits Mosque 

Melacca Strits Mosque က မြို့နဲ့ နီးနီးနားနား ကျွန်းသေးသေးလေးပေါ်မှာ ဆောက်ထားတဲ့ ရေပေါ် ပလီတစ်လုံး။ ညနေဘက်မှာ ပလီနဲ့ နေဝင်ချိန်ကိုရိုက်ဖို့ ဓါတ်ပုံသမားတွေ tripod တွေနဲ့ တန်းစီနေတာဘဲ။ 

အခြားစိတ်ဝင်စားစရာ နေရာလေးတွေ 

− Melaka Duck Tour 
− Jonker Street 
− Taming Sari Tower 
− A`Famosa 
 − Crocodile Farm 
− Mini Malaysia and Mini Asean 
− Gadek hot spring Melaka tourist attraction map (compiled by me) ;) 

ခရီးတစ်ခုမသွားခင် အဲမြို့မှာရှိတဲ့ လည်ဖို့ပါတ်ဖို့ နေရာလေးတွေကို အရင်ရှာပြီး Google maps မှာ မှတ်ထားတာ အကျင့်ဖြစ်နေတော့ ခု မလက္ကားခရီးစဉ်အတွက်လည်း လုပ်ထားတယ်။ အခြားသွားလည်ချင်တဲ့သူတွေ မှီငြမ်းလို့ရတာပေါ့။ =) 

Melaka Attractions Map: https://mapsengine.google.com/map/edit?mid=zs4oKZAZv25g.kGqOeonJfYgE
[GoogleMaps အသစ်မှာ My Places ကို embed လုပ်တာ ရှာမတွေ့တော့လို့ Maps ကို လင့်ခ်ဘဲပေးထားလိုက်တယ်။]

P.S. 
- petrol ၈၀၊ toll ၃၅ကျပ် (for my future reference) :D

Mom's easy and tasty recipes

ဒီတစ်ခေါက် တောင်ကြီးပြန်တုန်း အမေချက်တဲ့ စားလို့လည်းကောင်း၊ လွယ်လည်းလွယ်တဲ့ဟင်းလေးတွေ မှတ်လာတာ။ ပြန်တော့မချက်ကြည့်ရသေးဘူး။ အမေချက်တုန်း ဘေးကနေ စာရွက်နဲ့ လိုက်မှတ်ထားတာ၊ အဲလိုမှမဟုတ်ရင် မေ့ရော။ ကြက်သားကတော့ ဘယ်လိုချက်ချက် မှန်းချက်လို့ရတော့ အချိုးအစား အတိအကျတော့ မမှတ်ထားဘူး။ =) အဆင်ပြေသလိုသာ ကြည့်ချက်လိုက်တာဘဲ။

ကြက်သားအုန်းနို့ချက်

(နာမည်က ကြက်သားအုန်းနို့ချက်ဆိုပေမယ့် အုန်းနို့နေရာမှာ နို့စိမ်းကို အစားထိုးချက်ထားတာ။ စားလို့တော်တော်ကောင်းတယ်။) 

၁။ ကြက်ရင်ပုံသားကို အတုံးလေးတွေလှီးပြီး ဆား+ဂျင်း၊ကြက်သွန်ဖြူထောင်းထားတာ နဲ့နယ်ထား။
၁။ ဆီပူလာရင် ကြက်သားထည့်ကြော်၊ ကြက်သွန်နီကြော်ထားနည်းနည်းထည့်ကြော်၊  ရေခြောက်လာရင်ထုတ်ထား။ 
၂။ နို့စိမ်း+ရေ ပွက်လာရင် စပါးလင်ထုထည့်၊ ရှောက်ရွက်သုံးရွက်လောက်ထည့်၊ ငရုတ်သီးစိမ်းထုထည့်၊ ငံပြာရည်နည်းနည်းထည့်။
၃။ ပြီးရင် စောနက ထုတ်ထားတဲ့ ကြက်သားထည့်၊ ခဏလေးပွက်လာပြီးရင် ချလို့ရပြီ။ 
 
ကြက်စင်ကာပူကြော်

(စင်ကာပူမှာ အဲလိုဟင်းမျိုး ရှာလို့ရမရမသိပေမယ့် တောင်ကြီးမှာတော့ အဲလိုခေါ်ကြတာဘဲ။ :D)

၁။ Cashew Nuts (သီဟိုဠ်စေ့) ကို ဆီအေးအေးနဲ့ကြော်၊ ဝါလာရင် ထုတ်ထား။ [ဆီပူမှထည့်ရင် တူးသွားတတ်တယ်။]
၂။ ကြက်ရင်ပုံသားကို အလွှာလေးဖြစ်အောင် ဘေးတစ်စောင်း ပါးပါးလှီး
၃။ ကြက်သားကို ခရုဆီ+ပဲငံပြာရည် နည်းနည်းနဲ့ ခြောက်အောင်ကြော်ပြီးထုတ်ထား
၄။ ငရုတ်သီးစိမ်း+ကြက်သွန်ဖြူ တောက်တောက်စဉ်းထားတာကိုကြော်၊ မွှေးလာရင် နံနံပင် စဉ်းထားတာကိုထည့်
၅။ ခုနက ကြက်သားကြော်ထားတာကိုထည့်
၆။ chili sauce တစ်ဇွန်း၊ tomato sauce တစ်ဇွန်း၊ thai sweet chili sauce တစ်ဇွန်း (ထမင်းစားဇွန်း) စီထည့်။ ပွက်လာရင်ထုတ်လို့ရြပီ။ 
၇။ သီဟိုဠ်စေ့ကြော်ထားတာကို စားခါနီးမှထည့်မွှေ။

Mini cosmetic haul & reviews

ခုတလော စပ်စပ်စုစု ဝယ်ပြီးသုံးဖြစ်တဲ့ cosmetic tools လေးတွေအကြောင်း ပြန်ဝေမျှချင်လို့ ဒီပို့စ်ကို ရေးဖြစ်သွားတာပါ။ youtube ကနေ ဗီဒီယိုဘလော့တွေကို လိုက်ကြည့်ရင်း makeup tutorial တွေကို ကြည့်မိသွားတော့ သူတို့ recommend လုပ်ထားတာလေးတွေကို လိုက်ဝယ်ပြီး သုံးကြည့်ဖြစ်သွားတာ။ makeup tutorial တွေကြည့်ပြီးမှ မိတ်ကပ် လှတပတ လိမ်းတတ်တဲ့ ကောင်မလေးတွေကို တကယ်ချီးကျူးမိတယ်။ မိတ်ကပ်လိမ်းတာလည်း လွယ်လှတဲ့ အလုပ်တစ်ခုမဟုတ်ဘူး။ သူတို့လို လိမ်းတတ်ဖို့ တော်တော်လေ့ကျင့်ယူရမယ်။ ခုတလော သုံးဖြစ်နေတာတွေက ..

၁။ Sigma F80 foundation brush

youtube မှာ makeup tutorial တင်တဲ့ သူတိုင်းက ဖောင်ဒေးရှင်းအတွက် Sigma F80 brush ကို recommend လုပ်တယ်။ BB Cream ရယ်၊ Loreal truematch foundation ရယ်နဲ့ စမ်းသုံးကြည့်တာ တော်တော်ကောင်းတယ်။ နည်းနည်းပျစ်တဲ့မိတ်ကပ် လိမ်းဖို့အတွက်ကြတော့ သိပ်အဆင်မပြေဘူး။ Revlon colorstay whipped creme foundation လိုမျိုး နည်းနည်း ပျစ်တဲ့ ဖောင်ဒေးရှင်းကြတော့  Sigma F60 brush သို့မဟုတ် beauty blender sponge နဲ့လိမ်းရတာ ပိုအဆင်ပြေတယ်။ မလေးရှားမှာတော့ Sigma brush တွေ ရှာဝယ်ရတာ သိပ်မလွယ်တဲ့အတွက် online ကနေ မှာလို့ရတဲ့ Luxola ကို recommend လုပ်ပါတယ်။

၂။ Sigma Mrs. Bunny travel kit

မိန်းကလေးတွေက စျေးလျှော့ပေးရင် လိုလို မလိုလို အကုန်ဝယ်ချင်ကြတယ်ဆိုတာ တကယ်မှန်တယ်။ :D Halloween အတွက် Luxola က ၃၀% ကြီးများတောင် စျေးလျှော့ပေးတာတွေ့တော့ Sigma ရဲ့ Mrs bunny travel kit ကို ဝယ်ဖြစ်သွားတယ်။ တော်တော် စျေးသက်သက်သာသာနဲ့ ရလိုက်တယ်။ Brush ၇ချောင်းပါတယ်။ F60 foundation brush, F30 large powder brush, F40 Large Angled Contour ကို တော်တော်သဘောကျနေတယ်။ Eyeshadow brush တွေကတော့ သေချာစမ်းမသုံးကြည့်ရသေးဘူး။ 

၃။ Luxola (online makeup shopping site)

Sigma brush တွေကို ဘယ်ကနေ အလွယ်တကူဝယ်လို့ရမလဲ လိုက်ရှာရင်း Luxola ကိုသွားတွေ့တာ။ အဲဒီ site က စင်ကာပူ base ဖြစ်ပြီးတော့ အရှေ့တောင်အာရှ နိုင်ငံတော်တော်များများကို free shipping ပို့ပေးတယ်။ review တွေလိုက်ဖတ်ဖြစ်တော့ ဝယ်တဲ့သူတိုင်း အဆင်ပြေတယ် ပြောကြတဲ့အတွက် စစချင်း F80 brush အရင်မှာကြည့်တယ်။ သုံးရက်နဲ့ ရောက်တယ်။ first-time user ဆိုတော့ ၂၀% discount ရတယ်။ ဒစ်စကောင့်ကုဒ်က LXBLOG ။ အခု သုံးလို့ရသေးလားတော့ မသိဘူး။ ပြီးတော့ အရင်အပါတ်က Halloween အတွက် ဘာဝယ်ဝယ် 30% လျှော့ပေးတယ်ဆိုတော့ Sigma Mrs. Bunny travel kit မှာလိုက်တယ်။ သူငယ်ချင်းတစ်ယောက်ကလည်း Sigma essential kit လိုချင်တယ်ဆိုတော့ ထပ်မှာတယ်။ ကြာသပတေးနေ့မှာတာ နောက်အပါတ် တနင်္လာနေ့မှာ ရောက်တယ်။ ၃၀% စျေးလျှော့ပေးတာဆိုတော့ တော်တော်တန်သွားတယ် ပြောရမယ်။ ဝယ်ရတာ၊ ငွေချေရတာ၊ မကြာခဏ စျေးလျှော့ပေးတာ၊ free shipping ပေးတာ အားလုံး အဆင်ပြေတဲ့အတွက် recommend လုပ်ပါတယ်။ သူ့ရဲ့ facebook page ကို like ထားရင်တော့ မကြာခဏ စျေးလျှော့ပေးတာတွေ မလွတ်တော့ဘူးပေါ့။ 

၄။ Beauty Blender Sponge

ဖောင်ဒေးရှင်းလိမ်းနည်းတွေ ကြည့်ရင်းနဲ့ beauty blender ဆိုတာ သွားတွေ့တယ်။ original က ဒေါ်လာ ၃၀လောက် ပေးရပေမယ့် ခုခေတ်မှာ တရုတ်ပြည်ကြီးရှိနေတော့ ခပ်ဆင်ဆင်လေးတွေကို စျေးသက်သက်သာသာနဲ့ ရတယ်။ တရုတ်က ထုတ်တာတွေလည်း ကောင်းတယ်လို့ ပြောကြတဲ့အတွက် Lelong ကနေ မှာလိုက်တယ်။ [Lelong က မလေးရှားမှာ လူသုံးအများဆုံး online shopping ဝက်ဘ်ဆိုဒ်ပါ။] ခုထိ သုံးကြည့်သလောက်တော့ မဆိုးဘူး။ ရိုးရိုး sponge နဲ့လိမ်းတာထက်တော့ လိမ်းလို့ ပိုကောင်းသလိုဘဲ။ sponge ကို ရေဆွတ်ပြီး မိတ်ကပ်ကိုတို့၊ ပြီးတော့ stippling motion ပုံမျိုးနဲ့ လိမ်းရတယ်။ youtube မှာtutorial တော်တော်များမျာရှိတယ်။ စျေးသိပ်မကြီးလို့သာ ဝယ်လိုက်တာ။ သိပ်အသုံးဝင်လိမ့်မယ်လို့ အစက မထင်ဘူး။ ဒါပေမယ့် တကယ်သုံးကြည့်တော့ တော်တော်ကို သဘောကျမိတယ်။ သဘာဝကျကျ ရုပ်ထွက်မျိုးရတယ် ထင်မိတယ်။ မလေးရှားမှာတော့ ရင်းဂစ် ၁၀ ဘဲပေးရတယ်။ စျေးလည်း သိပ်မများတဲ့အတွက် စိတ်ဝင်စားရင် စမ်းသုံးကြည့်ပါ။ :)

၅။ Konjac Sponge

မိတ်ကပ်လိမ်းတာများရင် မျက်နှာက dead skin cell တွေကို ရိုးရိုး မျက်နှာသစ်တာနဲ့ မပြောင်တော့ဘူးတဲ့။ အများစုကတော့ မသက်ဝေ တစ်ခေါက်ရေးဖူးတဲ့ Clarisonic Mia 2 cleansing brush သုံးကြတယ်။  ခုနောက်ပိုင်း Olay ကနေ ထုတ်တာလည်းရှိတယ်။ Konjac sponge တွေက Clarisonic brush တွေလောက်နီးနီး မျက်နှာကို သန့်စင်စေတယ်လို့ review တွေမှာ ဖတ်မိတော့ တယ်ဟုတ်ပါလားဆိုပြီး စမ်းဝယ်ဖြစ်တယ်။ ရင်းဂစ် ၁၅ကျပ်လောက်ဘဲ။ Konjac sponge တွေကို အာလူးလိုမျိုး အပင်ရဲ့ အမျှင်ကနေ ထုတ်ထားတာတဲ့။ ဂျပန်လူမျိုးတွေ အသုံးများတယ်။ Dead skin cell တွေကို exfoliate လုပ်ဖို့ သင့်တော်တဲ့ product တစ်ခုပါ။ sponge က ခြောက်နေရင် မာတောင့်နေပြီး မသုံးခင် ရေနဲ့ တစ်မိနစ်လောက် စိမ်ပေးရတယ်။ ပွလာပြီး ပျော့ပျော့လေးဖြစ်လာတဲ့အခါ ဆပ်ပြာနဲ့ သန့်စင်ပြီးသား မျက်နှာကို sponge နဲ့ circular massage လုပ်ပေးရုံဘဲ။ တစ်မိနစ်လောက်ပေါ့။ တစ်ပါတ်ကို တစ်ခေါက် နှစ်ခေါက်လောက် သုံးလို့ရတယ်တဲ့။ စမ်းကြည့်သလောက်တော့ တော်တော်သဘောကျမိတယ်။ 

နောက်လည်း သဘောကျတာလေးတွေရှိရင် ထပ်ပြီး share ပါဦးမယ်။ :)

Google I/O 2013: keynote recap

Google ရဲ့ နှစ်စဉ် conference တစ်ခုဖြစ်တဲ့ Google I/O 2013 ကို ပြီးခဲ့တဲ့ မေလ ၁၅−၁၇ ရက်နေ့မှာ ပြုလုပ်သွားတယ်။ ဒီနှစ်က ဂူဂယ်လ်ရဲ့ ခြောက်ကြိမ်မြောက် conference ပေါ့။ သူ့conference မှာ Google ကနေ လက်ရှိလုပ်နေတဲ့ ပရောဂျက်တွေ၊ နောက် ဆက်လုပ်သွားဖို့ရှိတဲ့ ပရောဂျက်တွေ၊ အရေးကြီး ကြေငြာချက်တွေအကြောင်း ပြောလေ့ရှိတော့ Developers တွေအဖို့ နှစ်စဉ်မပြတ် စောင့်ကြည့်ရတဲ့ conference တစ်ခုပါ။ Google ထုံးစံအတိုင်း keynote မှာ သူ့ employee တွေထဲကနေ လူမျိုးပေါင်းစုံအောင် ပွဲထုတ်ပါတယ်။ ဒီနှစ် keynot မှာ Google ကိုစတင်တည်ထောင်သူတွေထဲက တစ်ယောက်ဖြစ်တဲ့ Larry Page ထွက်လာတာကတော့ ထူးခြားမှုတစ်ခုပါ။ 

Google I/O 2013 ရဲ့ keynote က သုံးနာရီကျော်ကြာတော့ အကျဉ်းချုံးပြန်ရေးဖို့ သုံးခါလောက် ပြန်ကြည့်လိုက်ရတယ်။ သူကြေငြာသွားတာတွေထဲက စိတ်ဝင်စားဖို့ကောင်းတဲ့ အချက်တွေကို ပြန်ရေးရရင် 

၁။ Google Play Services 
1. Google Maps Android API v2 
- apps တွေထဲမှာ 3D maps ထည့်လို့ရလာတော့မယ်။ 

2. Location API 
- Fused location provider (GPS တစ်ခုတည်းကနေမဟုတ်ဘဲ location ကို GSM နဲ့ wifi ကနေပါ ရနိုင်တော့မယ်။ power consumption နိမ့်တယ်လို့ အာမခံထားတယ်။) 
- Geofencing (find virtual fences, up to 100 geo fences per app
-  Activity Recognition (walking, cycling, cars) accelerometer+machine learning classifier (battery efficient way)

3. Google+ sign in with cross-platform single sign-on
web site တစ်ခုမှာ Google+ နဲ့ sign in ထားရင် အဲဒီweb မှာ app ရှိရင် တစ်ခါတည်း install လုပ်လို့ရ, ပြီးရင် ဖုန်း/tablet မှာ ချက်ချင်း sign in လုပ်ပေး။

4. Google Cloud Messaging 

(အရင်နှစ်က push msg အတွက်ဘဲ ကြေငြာခဲ့တယ်။) ဒီနှစ် features သုံးခု အသစ်ထပ်ဖြည့်ထားတယ်။  - - Persistent connection
- Upstream messaging (ဖုန်းကနေ ဆာဗာကိုပြန်ပို့)
- Synchronize notification on different devices 

5. Google Play game services (also for iOS and web) 
- Cloud save (save user data across devices) 
- Achievments 
- Leaderboards (Google+ circle to connect players) public leaderboard, friends leaderboard 

Google+ circle ထဲမှာရှိတဲ့သူငယ်ချင်းတွေကို ဖိတ်ပြီး head-to-head raceကစားလို့ရမယ်။ Android,iOS and web သုံးခုလုံးအတွက်ဆိုတော့ cross-platform gaming experience ရတာပေါ့။ 

၂။ Android Studio 

 IntelliJ IDEA ကို ပြန်ပြင်ထားတာ။ Eclipseထက် သာတယ်လို့ပြောလို့ရတဲ့ Features တွေကတော့ 

- know deep semantic model of your code

- xml ထဲက string တွေ icon တွေ အရောင်တွေကို ချက်ချင်း အလွယ်တကူ preview လို့ရတယ် 

- layout LIVE rendering on different screen sizes တပြိုင်တည်းကြည့်လို့ရ 

- Internalization: layout with different language ကို တပြိုင်တည်းကြည့်လို့ရ။ 

- GCM API ကို အလွယ်တကူ add လို့ရ၊ နောက်ထပ် အခြား Android API တွေကို လွယ်လွယ် သုံးလို့ရအောင်လုပ်သွားဖို့ရှိ။ 

Early access preview ကို http://developer.android.com/sdk/installing/studio.html ကနေ ဒေါင်းလုတ်လုပ်လို့ရပါပြီ။

၃။ Google Play Developer Console မှာ အသစ်ပါလာမယ့် features တွေ 
- Optimization tips ( သင့်ရဲ့ app ကို ဘယ်လိုနည်းလမ်းတွေနဲ့ improve လုပ်နိုင်မလဲဆိုတာ အကြံပေးထားတယ်။) 
- App Translation Tips (Google Play console ထဲကနေဘဲ ကိုယ်လိုချင်တဲ့ language ကို ဘာသာပြန်ပေးဖို့ professional translator ငှားလို့ရ။)  
- Referral Tracking (Google Analytics)  
- Usage Metrics (analytics ထဲသွားကြည့်စရာမလို google play console ထဲမှာ တစ်ခါတည်းကြည့်နိုင် 
- Revenue Graphs  
- Beta testing and staged rollouts (apk တင်တဲ့အခါ beta testing, alpha testing, production အတွက် သပ်သပ်စီ တင်လို့ရတယ်။) 


၄။ Galaxy S4 running Jelly Bean 

ခါတိုင်းဆို အမြဲတမ်း Nexus device တစ်ခုခု ကြေငြာတတ်တယ်။ ဒီနှစ်တော့ လောလောဆယ် Nexus ဖုန်းထပ်ထုတ်ဖို့ မရှိသေးလို့နေမယ်။ Galaxy S4 ကို TouchWiz မပါဘဲ stock Jelly Bean နဲ့ ထုတ်ပေးမယ်လို့ ပြောသွားတယ်။ S4 16GB, bootloader unlocked ကို ဂျွန်၂၆ ကနေ စပြီး $649 နဲ့ ရောင်းမယ်ဆိုတော့ သိပ်တော့ မတန်ဘူး။ $550 လောက်နဲ့ရောင်းရင် ဟုတ်သေးတယ်။ 

၅။ Webp and VP6 (image & video compression) 

WebP က image တွေကို ချုံ့ဖို့ open-source, loyalty free compression Technology၊ သူက lostless/lossy compression, transparency, color profile, meta data, animated images အကုန်လုံးကို support လုပ်မယ်ဆိုတော့ jpg, png, animated gif တွေကို အစားထိုးသွားနိုင်မယ်လို့ ပြောသွားတယ်။ 

Video compression codec (vp9)VP9 ကတော့ အရင်နှစ်က ကြေငြာသွားတဲ့ ဗီဒီယို format webM အတွက် next generation codec - မူရင်းကွာလတီအတိုင်း ဖိုင်ဆိုဒ်ကို ၅၀%ထိ လျှော့ချပေးနိုင်မယ်။ ဒီနှစ်ကုန်ပိုင်းလောက်မှာ youtube က VP9 ကို support လုပ်ဖို့ရှိတယ်။ - chrome for mobile browser app မှာလည်း vp9 ကို data compression proxy အဖြစ် အသုံးပြုသွားမယ်လို့ပြောတယ်။ 

၆။ shopping from phone (using chrome) 

ကွန်ပျူတာသုံးပြီး အင်တာနက်ကနေ စျေးဝယ်တာ တွင်ကျယ်ပေမယ့် လက်ကိုင်ဖုန်းကနေ shopping လုပ်တာ ဘာကြောင့်မတွင်ကျယ်သေးသလဲဆိုရင် ပုံမှန် checkout process တစ်ခုက အဆင့်ပေါင်း ၂၁ဆင့်လောက်ထိ ရှိလို့တဲ့။ မကြာခင် Chrome ကိုသုံးပြီး အဆင့်သုံးဆင့်ထဲနဲ့ checkout လုပ်နိုင်တော့မယ်။  

1. checkout button  

2. review billing & shipping (credit card info ကို Google+ အကောင့်နဲ့သိမ်းထားလို့ auto-fill) 

3. submit 

၇။ built your own HTML tags 

developer တွေ ကိုယ်ပိုင် HTML tags တွေ CSS tag တွေ createလုပ်နိုင်ပြီး components အဖြစ်စုထားပြီးတော့ အခြား ပရောဂျက်တွေမှာ ပြန်သုံးလို့ရမယ့် IDE တစ်ခုလုပ်နေတယ် ကြေငြာသွားတယ်။ သေချာတော့မပြောသွားဘူး။ အသေးစိတ်သိအောင် web components and actions section ကို ကြည့်ရမယ်။ 

၈။ Google Play for Education (pilot) 

app license တွေအများကြီးတစ်ခါတည်းဝယ်ပြီး student device ထဲတစ်ခါတည်း install လို့ရတဲ့ service။ US က ကျောင်းတွေမှာ pilot run နေတုန်း။ 

၉။ Google + 

Google+ မှာ အဓိက feature တွေဖြစ်တဲ့ stream, hangouts, photo သုံးခုကို Vic Gundotra က ပြောသွားတယ်။ speaker တွေထဲမှာ သူ့ကို အကြိုက်ဆုံးဘဲ။ Google+ က facebook ကိုကြည့်ပြီး facebook ကမပေးတဲ့ service တွေ လိုက်ဖြည့်နေပုံဘဲ။ FB ကိုကျော်ပြီး next-generation social networking ဆိုဒ်တစ်ခု ဖြစ်လာမလားဆိုတာတော့ စောင့်ကြည့်ရမယ်။ G+ ရဲ့ tagline “Live, Learn and Love” ဆိုတာကို သဘောကျတယ်။ 

1. Stream with Design & Depth   
-stream က ပို့စ်တွေကို Single column သို့ multi-column ရွေးလို့ရတယ်။ 
- Fast, fluid and fun  
- စာမျက်နှာသေကြီး မဖြစ်နေအောင် animations (flip, in/out) တွေထည့်ထားတယ်။ 
- related hashtags (ကိုယ်ပို့စ်တစ်ခုတင်လိုက်ရင် Google+ က အော်တို tag ပေးတယ်။) အဲဒီ tag ကို click လိုက်ရင် အခြား ဆက်စပ်မှုရှိတဲ့ ပို့စ်တွေကို တစ်ခုချင်း လိုက်ဖတ်လို့ရတယ်။  
- ဓါတ်ပုံတင်ထားရင် automatically hashtag landmarks - image analysis+knowledge graph 


2. Hangouts   
- gtalk ကို replace လုပ်ဖို့ ရည်ရွယ်ထားတော့ ဖုန်းတွေမှာ Hangout ကိုသွင်းလိုက်ရင် gtalk တစ်ခါတည်းပျောက်သွားရော။   
- တစ်ယောက်ချင်းစီ သို့မဟုတ် ကိုယ့် circle တစ်ခုလုံးနဲ့ စကားဝိုင်းစလို့ရတယ်။ ဓာတ်ပုံ၊ ဗီဒီယို အကုန် တင်လို့ရတယ်။ group video chat လည်း အခမဲ့ ပြောလို့ရမယ်။ 


3. Photos   
- Backup လုပ်လို့ရမယ်။ 15GB free (full size), standard size (unlimited)   
- Google+ ပေါ်တင်ပြီးတာနဲ့ Edit လုပ်လို့ရမယ်။skin softening, noise reduction, while balance, vingnette, sharpening, red-eye removal, စသဖြင့်။   
- collage, HDR, smile, motion, pano ဆိုတဲ့ Auto-awesome effects ငါးခုကိုလည်း ထည့်ထားပေးတယ်။ တော်တော်မိုက်တယ်။

၁၀။ Google Search   

- Knowledge graph အတွက် အင်္ဂလိပ်အပြင် ပိုလန်၊တူရကီ၊ တရုတ်(simplified) နဲ့ တရုတ်(traditional) စတဲ့ ဘာသာစကားလေးခုကို အသစ်ထည့်သွင်းထားတယ်။
- Conversational search - အရင်က ဖုန်းမှာဘဲရတာ။ Chrome OC, Chrome for PC/Mac/Linux။ ”ok Google”ဆိုပြီး မေးချင်တာ မေးသွားရုံဘဲ။ ”ok Google.. ဟိုဟာရှာပေးပါ။ ဒီဟာရှာပေးပါ။” :D 
- Google Now − Android 4.1 ကနေ စပြီးပါလာတဲ့ feature, reminders, public transit, TV shows, albums & books စတာတွေကို ထပ်ဖြည့်ထားတယ်။ 

၁၁။ Google Maps 

(Base Maps + Street View + Imagery + Local Data)

လမ်းညွှန်ဖို့အတွက်ချည်းမဟုတ်ဘဲ ပါတ်ဝန်းကျင်မှာရှိတာတွေကိုပါ အလွယ်တကူ explore လုပ်နိုင်ဖို့ နဂိုရှိနဲ့ Base Maps နဲ့ street အပြင် Imagery နဲ့ Local Data တွေကိုပါ Google Maps မှာ တစ်ခါတည်း ကြည့်နိုင်တော့မယ်။ ခုတော့ public မဖွင့်ထားပေးသေးဘူး။ The new Google Maps ကို preview ကြည့်ချင်ရင်တော့ http://maps.google.com/help/maps/helloworld/desktop/preview/ ကိုသွားပြီး request invite ပို့ထားလိုက်ပါ။ တစ်ရက်နှစ်ရက်နေရင် စသုံးလို့ရပြီ။ ကိုယ့်အနီးတစ်ဝိုက်က Customized restaurants တွေ panaroma images တွေပါ တစ်ခါတည်း maps မှာပါလာတယ်။ Totally awesome features! 

 ဒီလိုမှ မရေးထားရင် မေ့သွားမှာဆိုတော့ တော်တော်ရေးယူလိုက်ရတယ်။ Google I/O ရဲ့ အခြား developer tracks တွေ ကြည့်လို့မပြီးသေးဘူး။ ကြည့်ပြီးမှ recap ပြန်ရေးဦးမယ်။ ခုလောလောဆယ်တော့ Android နဲ့ပါတ်သက်တာရယ်၊ Maps API ရယ်ကြည့်နေတယ်။ =) 

(**the images in this post are screenshots taken from Google I/O 2013's keynote)