ဒါကတော့ တောင်ကြီးပြန်တုန်း တစ်ရက် အမေက သမီးရေ ညနေ ဧည့်သည် သုံးယောက်ဖိတ်ထားတယ်။ ဟင်းချက်ထားလိုက်နော်ဆိုလို့ မီးဖိုချောင်ထဲမှာ ရှိတာလေးတွေနဲ့ လက်စွမ်းပြလိုက်တဲ့တစ်ရက်ပေါ့။ ကိုယ့်ကိုယ် ချက်တုန်းကတော့ ဟုတ်နေတာပေါ့။ ပြီးမှ ပြန်ကြည့်တော့ ဟင်းက မလိုက်ဖက်ဘူး ဖြစ်နေတယ်။ တစ်မျိုးက ပန်းသေးဟင်း၊ တစ်မျိုးက ရခိုင်ဟင်း၊ တစ်မျိုးက ဗမာဟင်း .. ဟုတ်နေရော။ ဒီဘက်က အကြော်က ပန်းသေးဟင်းရဲ့ ဆစ်ဂနေချာအကြော်(signature food) နွားနို့ခြောက်ကြော်ပေါ့။ ပြားပြားပြန့်ပြန့် နွားနို့ခြောက်အပြားကို မလိပ်လိပ်အောင် ကြော်ရတာလည်း အလွန်အင်မတန် လက်ဝင်ပါတယ်။ ငါးကိုကြတော့ ကြော်ပြီး ရခိုင်ဟင်းလိုမျိုး ချဉ်ချဉ်လေး ချက်လိုက်တယ်။ ပဲလိပ်ပြာကြော်တယ်။ ပဲလိပ်ပြာကို အခွံမခွါဘဲကြော်လဲ စားလို့ကောင်းတယ်။ ပြီးတော့ Sausage နဲ့ အမဲခြောက် နည်းနည်းကြော်လိုက်တယ်။ ဟင်းက တစ်မျိုးချင်းဆို ဟုတ်နေပေမယ့် အားလုံးကြတော့ မလိုက်ဖက်ဘူး ဖြစ်သွားတယ်။ ဧည့်သည်တွေကတော့ စားသွားရှာပါတယ်။ ဟင်းဆိုတာ ချက်တတ်ရုံနဲ့ မပြီးဘူး။ ဟင်းအမျိုးအစား လိုက်အောင် တွဲတတ်ဖို့လဲလိုတယ်ဆိုတာ နားလည်လိုက်တယ်။
ပန်းသေးဟင်းဆိုတာ ဒီလိုမျိုးပေါ့ကွယ်။ အမျိုးတွေလာလည်တော့ မာမီမားသားမေမေ ချက်ထားတာ။ ပန်းသေးထုံးစံလို့ပြောမလား။ အလှူအိမ်၊ ထမင်းကြွေးတွေမှာ ဟင်းခြောက်မျိုးဆိုတာကို ကြွေးကြတယ်။ တစ်ခါတစ်လေ ၅မျိုးဖြစ်ချင်ဖြစ်မယ်။ တစ်ခါတစ်လေ ၇မျိုး ဖြစ်ရင် ဖြစ်သွားတယ်။ တစ်အိမ်နဲ့တစ်အိမ် တစ်ခါနဲ့တစ်ခါ ဟင်းတွေ မတူတတ်ပါဘူး။ ဒါပေမယ့် basic concept ကတော့ တစ်ခုတည်း။ အဲနေ့က အမေချက်ထားတာတွေကတော့ ကြက်ပြုတ်၊ ကြက်သားမှိုကြော် (ကြွက်နားရွက်မှို)၊ အစိမ်းကြော်(ဂျူးဖူး၊ မုန်လာဥနီ၊ ရေပြောင်းဖူး၊ အောစွန်း)၊ ကြာဇံသုတ်၊ စူးကျီး (ကြက်သားလုံးကြော်ချက်)၊ အမဲသားကြော်၊ သီဟိုဠ်စေ့ကြော်၊ မုန်ညင်းဟင်းရည် တို့ပေါ့။ စားလို့ကုန်ခါနီးမှ ဓါတ်ပုံရိုက်ဖို့သတိရတယ်။
အရင်နှစ် တရုတ်နှစ်သစ်ကူးပိတ်ရက်မှာ သူငယ်ချင်းတွေက ပန်းသေးဟင်းချက်ခိုင်းတော့ ချက်လိုက်သေးတယ်။ ဘယ်လိုဖြစ်သွားလဲဆိုတော့ အပေါ်က မြင်တဲ့အတိုင်း။ ဟီး.. ပြောပါတယ်။ ဟင်းက ချက်ဘဲ ချက်တတ်တယ်။ မတွဲတတ်ဘူးဆို။ ဘယ်လိုကြည့်ကြည့် ပန်းသေးဟင်းနဲ့ သိပ်မတူဘူး ဖြစ်သွားတယ်။ သူငယ်ချင်းတွေတော့ အားပေးကြရှာပါတယ်။ စားလို့ဖြစ်တယ်တဲ့။ ဒီနှစ် တရုတ်နှစ်ကူးပိတ်ရက်တော့ ဘယ်မှ သွားချင်စိတ် မရှိတာနဲ့ အိမ်တွင်းအောင်းပြီး ဘလော့ဂ်ချည်း လှိမ့်ရေးပစ်လိုက်တယ်။ မှတ်ရော။ တောင်ကြီးစီးရီးစ်က အပိုင်း၇ဘဲ ရှိသေးတယ်။ ရေးစရာ ကုန်သလောက် ဖြစ်နေပြီ။
2 comments:
ဘယ္လိုဘဲျဖစ္ျဖစ္ စားခ်င္စဖြယ္ျဖစ္တာေတာ႔ အမွန္ဘဲ
စိတ္၀င္စားမိတယ္
ေတာင္ၾကီးမွာသာဆို
မဖိတ္လဲ လာစားပါတယ္.. ဟိဟိ
အစားဆို အဲလို ငတ္တာ
မေခ်ာ>> ေတာင္ၾကီးေရာက္ရင္ တကယ္ဖိတ္ေကြ်းမယ္ :)
Post a Comment
Please feel free to use any font to comment :)